那年，我在補習社遇上她..: 第三十七章 兵？

37

「真係？」crystal問

「係呀，死蠢，又話去食野」我講

食完野，送埋crystal翻屋企，我睇一睇部手機..

果然，angela都係冇搵過我…



我wts angela：「點呀，你溫成點呀？」

隔左2個鐘佢先覆翻我…

希望今日係我睇錯..

「7788啦，其實我聽日放假😎後日先考econ」佢講

咁我今日…可能見到嘅..真係佢地兩個..



但係邊有可能..angela住大埔…仆佳住馬鞍山..無啦啦出咁遠嘅地方？

都係算啦..可能真係我睇錯..

「你聽日放假？🤔算啦 你咁蠢☺️比你溫足成日econ都炒架啦😎」

「喂呀！又話我蠢😢😢😢其實我覺得econ好難…好想drop左佢」

估唔到angela會咁認真同我講..



「唔好drop呀😨econ其實好易架咋😛明左個概念曉飛都得😛」

「😢😢😢真係有咁易咩？死蠢」

「係呀，冇呃你架😢嗱，聽日你隨時wts問我啦😎」

「吓，你聽日唔洗翻學咩？🤔仲得閒理我😢？」

「唔洗呀，今日岩岩考完試，聽日放假😎」

「😢好啦，唔好呃我wo」

「得啦😒我有幾時呃過你呀，死蠢😒」

「你岩岩先呃完我！仲扮野😢😢😡」



唔撚係呀..我講左啲咩呃佢..

「邊有呀😢😢」

「你話明曬啲concept曉飛都得😢你明曬啲concept咁你依家識唔識飛呀😢😢😢」

我都想識飛…飛去你個心入面…咁我咪知你諗咩囉..

「😛😛咦😳係wo」

「依家係到詐傻扮懵😒罰你聽日8點起身陪我溫書😡」

「唉😪知啦知啦，你早抖啦」傾下傾下原來都11點幾



「知啦😛」

「我不願讓你一個人...」我電話又響起

嘩頂，7點鐘晨早流流，邊撚個打黎

今次我醒目啦，專登睇係邊個打黎

係angela..

「喂」我講

「喂，你琴日應承我…」

「得，你比3個字我刷牙訓教，唔係唔係，刷牙食野先岩，我搞掂再打比你」我同angela講



「嗱，唔好放我飛機呀，炸爆你機」
「知啦知啦」

「呢到呢到，點解用market price計GDP要加indirect tax同減subsidy?」
「點解呢到個rate係nominal唔係actual？」
「咩係存款創造呀？冇啦啦造咩呀？」

我成朝就係答angela呢啲問題

睇黎佢真係咩都唔明..

「就係咁啦..你依家明唔明呀？」我問

「明明地啦，不過econ好難呀」



「有我係到，唔洗驚啦」

「你咁蠢，叫我點唔驚呀」

「哦，咁算囉，有咩唔明唔好問我」我講

「喂呀！唔準唔理我呀！」angela講

「唉，知啦，你咁得意點捨得唔理你呀」

「唓，口花花，唔講啦，好肚餓，食野先」angela講

「好啦，拜拜」

收完線，我睇一睇wts…嘩搞咩

Crystal send左10幾個msg過黎

「死蠢早晨😝 8:36am」
「起左身未呀😝 8:36am」
「起身記得食早餐呀😡8:37am」
「你知你幾大頭蝦架啦🐽成日都唔食早餐😛8:37am」
「做咩咁遲仲唔起身呀😢唔好嚇我wo😢你係咪病左呀😢😢😢 12:15pm」
「喂呀，應下機都好呀，死肥豬😢知唔知人地幾擔心你架😠😡😡12:24pm」
我睇到之後第一時間打比crystal

「喂！你捨得起身嗱！做咩訓到咁遲呀！你係咪唔舒服呀」電話一接通，crystal就連珠發炮咁講

「我唔係呀，朝早岩岩有個frd打比我，同佢吹水吹耐左咋嘛」我講

「frd？男定女黎架？」佢問

「女仔黎」我講

講完之後，佢靜左1、2秒

「係咩，咁唔阻你地啦」佢講

之後就收左線

之後成個晏就冇乜特別，成班人約左去打波

打完波6點幾到，我又收到angela wts 係炸機炸左我成30個msg

「又話成日同我溫econ！😡你去左邊呀！😡」

之後全部就係😡😡😡

「我以為靜係溫朝早呀嘛🙊🙊🙊」我講

「唔理你呀😤炸機炸到你死😤」
佢炸左我成50幾個😡
唔係講笑，部機就黎比佢炸爆

「你捨得炸死我咩😢」我覆

「點會唔捨得☺️」

「咁算囉，我死左冇人幫你溫econ😗」

「你試下唔幫我😡！」
之後果一晚就同angela溫書

溫到12點幾..

「係wo…之前我咪問你邊日得閒去睇戲嘅…你…你點呀」我鼓氣畢生嘅勇氣…

「唔知呀，之後我要翻上大陸交流，去成兩個禮拜」

「哦，咁..咁算啦，你早啲訓啦」我講

「知啦，早抖」

唔通去交流之前，一日都擠唔到出黎比我？我有少少覺得自己好似比人收兵…

不過收兵同曖昧都係一線之差姐，希望…希望我係後者啦…