那年，我在補習社遇上她..: 第三十八 暴風雨的前夕

「陳逸希，你啲成績一次差過一次，係得經濟同數學有進步，你咁樣點考dse」

派卷日….又比隻教畜屌爆

我都知自己咁樣唔掂…只係…只係一直搵唔到動力去溫…

「你地班友，書又唔讀，夠膽死連圓嘅方程都背唔好」

「陳逸希出黎攞卷」



大佬，唔該，合格我已經好開心，求下你大佬..

Long q 43/80
Mc 25/45

我…我合格？

小息果陣正當我衝出去諗著搵crystal報喜果陣，去到佢班房門口就見到佢同hugo一齊，佢地兩個坐得好近，頭貼著頭咁樣，見到呢一幕我都唔好意思再叫crystal出黎

派完卷之後，因為我地係f5，所以當其他級仲係到玩呀，hea，我地仲要補課



「你考試考成點呀😰」放左學之後angela snapchat我

睇一睇，原來我地已經儲左134日火..

「ok啦😛科科都合格先」

「😩救命呀 我聽日派卷啦，好驚呀」佢講

「唔洗驚啦🙈有我陪著你呀嘛」我講



「咁如果我唔合格點算先🙊」

「你話點咪點囉😝」我覆

返到屋企之後，突然收到個電話，原來係老豆老母打黎

「喂，衰仔，岩岩考完試，考成點呀」

「吓，ok啦」

「老豆唔係講啲乜，盡左力就得架啦，我同你老母依家係愛琴海，過多兩個月就返，屋企夾萬應該仲有十幾皮野，應該夠你用架啦」

「知啦，你地玩得開心啲啦」



每一個夜晚，因為老豆老母唔係到，加埋阿哥返工，陪著我嘅靜係得返部手機同個籃球

你問我寂唔寂寞？其實我都慣左

係angela嘅出現先令我嘅人生出現返啲色彩

呢一晚，同angela照樣咁傾計，傾下傾下傾到連我都訓著左

「我屌」我望一望個鐘 7:56

又遲到了…

唔知係咪考完試嘅關係，我完全冇心上堂，即使我知道我最大嘅考試係dse…

放左學之後，我又收到angela嘅msg



「我通識炒左😭😭😭😭😭😭」

「😰😰😰😰😰😰😰😰😰😰😰😰唔係呀 差幾多分」

「差1分😭😭😭」

「🙊🙊🙊🙊🙊唔緊要啦，唔好喊啦，喊包」我講

「😭😭😭係咪我想點就點先😈」佢講

「係呀😛你想點呀😢」

「未諗到wo😝」



為了你…我乜都願意做…

今日咁岩係星期五，其實我想開口問angela之後兩日得唔得閒去睇戲…不過，不過我又覺得好似太突然

都係算啦

「叮！」又有人wts我？

原來係籃球隊李sir

「已經幫你地報左7月中嘅學界馬拉松！你地班死仔快啲趁仲有一個月時間練波！輸都唔好輸得咁樣衰！聽日8點學校等」

學界馬拉松…

算啦，唔諗咁多啦，早啲訓教早啲抖，臨訓之前我都不忘同angela講早抖..



「嗶嗶嗶嗶」哇屌 　7:30仲早過我平時起身

一開手機第一個msg就係angela

「嘩😨做咩咁早訓」

「要練波😪」我覆

唔係講笑，6月嘅天氣雖然唔係話真係去到35、36度，但係太陽底下暴曬3、4粒鐘黎做劇烈運動真係唔講得笑

去到星期日夜晚angela snapchat我：「聽日要走lu～😛」

呀！係wo

佢一去，去成兩個禮拜

佢會唔會唔得閒同我傾計，去到果邊冇wifi點算？佢分組會同邊個一組？分房係咪男同男女同女？個團係咪靜係得佢地學校？之前同佢表白果個男仔有冇去？

我承認我係過份緊張，但問心，我真係好中意angela先咁…

「你去到果邊有冇wifi架😢」我問

「有呀😎一有wifi即刻炸爆你～」佢講

「好啦好啦😢😢😢」

「又喊！😢」佢講

一切..原來一切都只係我自己痴心妄想..

暴風雨的前夕..總是美好的...