飛一次大阪，談了一場六天的「同地戀」: 27

話說上回提到，第五天的清晨由一個訊息開始。


「阿森話今日同唔到我地一齊行。」


當阿包講完這句說話後，讓正在刷牙的我們無一不驚訝愕然。


為什麼.......




為什麼........


「竟然！？點解你會自己起到身！！！？？」而且還不用我和阿傑去喚醒他。


「我比電話訊息聲嘈醒咗。」他說。




「謝天謝地，竟然有電話聲可以令你起到身。」我說。平常打八號風球他也熟睡不醒。


「連阿包都醒到，個鈴聲可以拎嚟做火警鐘。」阿傑表情的認真道。


「阿傑你講野搞笑咗，係咪跟得我多嘅關係？」我說。




「無人理我頭先講嘅野嘅。」阿包道。


「我有聽呀，同唔到我地一齊行係咩意思？」我問。


「我都唔知呀，再問下先。」他埋頭手機裡，再發訊息去問。


刷洗完畢，連衣服都換好後，我們就直接出門口，先到便利店買個海老飯團吃。


話說日本所說的海老就是蝦，好像是因為日本人覺得蝦總是彎著腰，活像一個老人家，而且住在海裡，所以就稱其為海老。




在眾多便利店飯團之中，我是推介海老飯團。


買完早餐後，阿包便隨即收到阿森的訊息，只是他看得一臉迷惘。


「做咩事呀？」我問。


「無呀，就係話......今日唔方便喎。」他說。


「唔方便？點解唔方便？」阿傑。




「唔知，照字面睇就係咁。」他說。


「你係咪琴日做錯咩事呀？」阿包質問我，我完全是無辜的好嗎，根本毫不知情。


昨天跟BoBo聊的內容也十分正常。


是因為我開玩笑說我是色狼嗎？這讓她感到害怕？


低能的想法，我馬上鬧自己。




「我無呀。」就是普通的聊天而已。


「咁我地今日點呀？無行程。」阿傑道出最重要的問題。


我們三個人都沒有行程計劃，這一天的旅程難道要報廢？


「真係無彎轉咩？」阿傑問。


「逼人都唔係咁好，咁人地都話唔方便。」阿包回答，這個我也同意。




只是突如其來的改變。


「咁我地今日點算？」又重回這個話題上。


「一係......吊靴過其他人？」我說。


心情卻有一點沉重。