飛一次大阪，談了一場六天的「同地戀」: 35

她轉頭瞧著我，瞇一瞇眼，似是有點不太相信我能做到，使道：「好呀！」


我假裝思考，眉頭深鎖細慮，她忍受不了我這個樣子，笑罵：「得未呀？仲扮。」


「咩呀，咁要諗一諗架嘛。」


「咁你諗好未？」




「嗯.......妳準備好未？」


「不嬲都準備好，等你啫～」她翹起手說。


「我估.....妳當時係度諗，好開心我估中一半。」




她深深吸了一口氣，點點頭，表情似乎有點驚訝。


「我估，妳當時係度諗，但點解我咁蠢估唔到另一半。」


她稍稍瞪大她圓潤亮麗的眼睛。




「我估，妳唔知其實我唔蠢，係妳轉身嘅時候我拎咗啲野。」


「我估，妳而家係度懷疑，我手後面收埋嘅係咩。」


這下她失笑，捂嘴而笑。


我拿出一直收在身後的檸檬茶，遞給她說：「仲有另一半係，妳係度諗我會唔會揀中檸檬茶畀妳。」


從她的眼神看來，我相信我是猜對的。




「唔知呢～」她接過後，不可置否的說。


「喂，我估中咗啵，妳無表示架？」


「想要咩表示？」


「哩樣唔係妳決定咩？」


「好呀～不如錫你呀......」




「吓？」


我正想歪的時候，她的鞋子已狠狠地踩上我的鞋子。


「不過係用我鞋底錫你鞋面～」她伸一伸舌頭，奸詐地笑著。


「咁妳嬲完未呀。」


「um......少少啦。」




我欲言又止幾番後才說：「其實，我都係啱啱先知妳男朋友嘅事。」