【天使之戀 - III】《公主道上與天使訂立永恆婚約》: 出公主道

 
https://www.youtube.com/watch?v=RQaRDbxHNXg
翌日早上 何文田石鼓街 會堂地下
 
「呢到，呢架車仲有三個位！」：梁醫生喊道
 
一位背著殘舊的藍色書包，紮著馬尾的棕髮女孩閃閃縮縮地站在隊伍的最後，不敢上車，像是在等誰。
 
然後一位穿著運動裝的中髮女孩從後門跑到來芷瑤身旁停下，她喘著氣且滿頭大汗，十分狼狽的樣子。
 


「瑤......」：中髮女孩喘著氣說
 
阿瑤驚喜地轉過身來說：「嚇死我啦，就開車都唔見佩君姐姐黎，都唔知點算好。」
 
「你就開心啦，」佩君有氣無力地說：「我本身起洪水橋會堂搭車就得架啦，為左你特登晨早就搭到無雷公咁遠過黎。」
 
芷瑤輕輕地抱著阿君，笑說：「佩君姐姐係最好架。」
 
作為大會協調員的梁醫生發現了隊伍最後的兩人，便走過去，看著兩人問道：「拿，沉日講左架啦，點解仲會有位洪水橋支會既女青年出現起何文田既?」
 


阿瑤捉著梁醫生的手，央求道：「對唔住啊梁醫生，係我夾硬叫佩君姐姐黎陪我架。」
 
梁醫生嘆道：「咁大個女啦Catherine，有咩好驚姐?」
 
梁醫生看著佩君，有氣無力地說：「算啦，下次唔好咁啦。不過呢，夠唔夠位我就唔知啦，冇位你就擒車頂啦!」
 
大家笑著登上旅遊巴，佩君和芷瑤走到車廂中後部的其中一排坐下。佩君笑說：「我終於拉到你出九龍城區。」
 
芷瑤低聲說：「我出左何文田真係咩都唔識架，我跟實你架啦。」
 


大巴「轟!」一聲的開動了，向洞梓進發；車上的所有男女青年都懷著度假的心情，異常雀躍。
 
早晨的何文田鳥語花香，客車繞過附近幾條綠樹成蔭的小街後，便轉入公主道往北直去。眼看客車快要走完整條公主道離開何文田區，臉貼著車窗的芷瑤心情緊情，但其實內心更多的是興奮。
 
客車一駛進窩打老道，四周的教堂、學校、大廈、商舖一下子全出現在芷瑤眼前，使這從不食人間煙火的何文田女孩看得目不暇給。
 
前方是一座棕色的教堂書院式建築，旁邊開滿了一大片色彩鮮豔的花朵。芷瑤指著那處，問道：「好靚啊！新界啲路咁靚架？」
 
「而家啱啱入九龍塘喳。」：佩君笑道
 
坐在前一排的青年聽到阿瑤的傻話後，轉過頭來疑惑地看著阿瑤。阿瑤不好意思地避開他們的目光，並閉上了嘴巴以免再出醜。
 
而不夠幾分鐘後，芷瑤看到了左方一個寫著「歌和老街」的路牌後，便急忙拉了拉佩君的衣袖，低聲地問道：「我地係咪仲起九龍塘啊?下面就係歌和老街?!」
 
「係啊，果到啊見唔見到?」：佩君指著不遠處一座潔白而莊嚴的白色的建築物，那建築物的頂上竪立著一座金色的天使像。


 
芷瑤萬分感動地凝視著那建築，一滴淚水從她的眼角流出，她自己也不知道。
 
感動完後，周圍綠茵的畫面的中心處出現了一個快速擴大的黑點；下一秒，山林美景一下子被一片漆黑取代，敏感的芷瑤驚呆地低下頭並抓緊佩君的手臂，客車高速駛入隧道使她受到了不小的驚嚇。
 
「冇野架，傻瑤瑤，坐返起身啦，」佩君氣定神閒地笑說：「穿隧道過獅子山喳。」
 
「獅子山隧道?......」：芷瑤抬起頭來再次看出窗外，黑茫茫的車流使她陷入了沉思之中。
 
客車穿出獅子山，草木扶疏的自然美景再次重現，芷瑤的心情亦隨之變得開朗，櫻桃般的小唇微微上揚了。
 
就在她看得出神時，一陣鋼輪高速運轉的「轟轟！」巨響從左方不遠處傳來，是一列火車飛嘯而過。芷瑤驚喜地看著這列車，呆得微微張開了嘴巴說不出話，表情可愛到極點。
 
佩君笑說：「係喎，你從來未黎過新界，平時起何文田又冇鐵站，第一次見火車啊?」
 


「係啊，好犀利啊......」：芷瑤讚嘆道
 
客車在公路上高速前進，左方是山清水秀、綠意盎然的沙田區；萬里無雲的天空下，遠方的高樓上清晰可見「瀝源邨」、「禾輋邨」等大字。不論是山嶺小河的清幽景色，還是沙田市中心那色彩鮮艷的市區景觀，都深深吸引住芷瑤的目光。
 
「好靚啊，呢到邊到黎架?」：臉貼著車窗的芷瑤嬌嗔道
 
「呢到係沙田，」佩君指向遠方那道河說：「呢條就係每年端午節，睇電視爬龍舟果條河啦。」
 
芷瑤呆道：「新界真係好靚啊，佩君姐姐好幸福。」
 
客車駛上吐露港公路，沿途的大海景看得芷瑤這長年住在何文田的女孩完全陶醉了；這算是還了平常連河都見不到的她一個小小的心願。
 
「呢到係大埔啦。」：佩君說
 
「大埔?......」芷瑤驚訝地指著車道上的一輛的士，拉著佩君的衣袖問道：「見唔見到啊?架的士形狀同平時果啲一樣，但佢係綠色架。」


 
前排的兩位青年聽後不禁再次轉過頭來，疑惑地看著阿瑤。阿瑤感到失態，便尷尬地迴避了他們的目光。佩君掃了掃芷瑤的馬尾髮，笑嘆道：「你走到出去話人知你起香港出世長大，點講都冇人會信啊。」
 
......