[少年監獄] 感受沙咀: 6.5 二倉的尾聲
不得不說, 二倉(DCR)
真的算是一個龍虎混雜既地方...
混雜的不是人,
而是每個人衰入黎既罪狀同理由, 都各有不同, 有些更是精彩十分
比如我記得，有人，係衰唔知咩遊蕩罪
因為佢係深夜落街傾電話，令他人感到不安（佢有紋身），所以被警察挫左入黎
又比如係，有人係衰阻差辦公
只因為佢食煙既時候，比控煙辦捉到，於是拔腿逃走，結果不成，所以被控
種種既因由，各樣罪狀
有啲你會覺得，係衰左既果個人ON9，
但有啲你又會覺得，係執法既人，或者條法律不體諒人
但係我記憶中， 有一個藍精靈比我既印象，都算深刻
雖然我已經唔記得佢既名，不過佢果時既年齡，係十四歲
一個細我三年，但衰既野，與眾不同
佢衰既係剛剛推出無幾耐既禁奶令
意思即係佢帶左8罐奶粉過境，然後被海關扣查，再起訴
佢話，走一罐可以淨賺200
一趟八罐，已經可以買到一包足夠HI 10日既丸仔
這種金錢=丸仔既價值觀，讓我不禁皺了皺眉頭
所以亦都難怪，佢會衰呢條全城瘋傳，人人皆知既新法律
知道佢衰咩後既鷲sir，當然係毫不留情，盡情地恥笑了佢一番
「屌你衰得咁on9， 幾罐奶粉係唔係真係值得阿？」
「Sorry sir...」
「見你係衰我地二倉第一個限奶令既人，一於叫你奶粉仔啦 ！」
所以呢個朵，亦都係我對奶粉仔有印象既原因
而且自從佢入黎二倉後，我地差唔多日日都有戲睇
因為佢真係一個細路，成日衰埋啲智障位，加上步操既笨拙
所以佢既每一日都會被各個阿sir找數又剩，
而且佢挨打時既細路哥式求饒同呻吟，更加讓左班既一個老同，非常鍾意玩鳩佢
比如早上，佢都會慣例咁衰左毯席，然後揹毯出倉。
跟住右班既鷲sir就話
「屌你日撚日都衰架？ 睇黎要搞一搞你先好， 喂B仔，琴日咪拎多左啲毯擺左係房既？全部拎曬出黎」
「Yes sir 」
說完鷲sir就走去奶粉仔那邊， 將佢身上揹既毛毯取下，再攤開，然後叫佢雙手兩邊伸直，跟住將毛毯纏在佢身上....
這時，B仔又搬來了一大堆毛毯，鷲sir同旁邊另一個阿sir，就好似砌Lego般，將啲毯掛又有，卷又有，纏又有，疊在奶粉仔身上
最後出到黎既結果，就係奶粉仔被包到實一實，本身瘦削既身形竟被包成了一個大了幾圈的肥仔
兩位阿sir仲要包埋佢對眼同面，只露出了嘴和鼻的部分，讓他繼續呼吸
鷲sir疊完啲毯，好似仲有啲不滿足，所以拎埋廁所入面裝抹布既黃桶，扣埋上佢既頭到
遠遠看去，奶粉仔依家既造型，就好似一個帶著黃帽的黑色小丑，又滑稽，又讓人覺得佢淒涼
縱使我地在旁看著，見到奶粉仔既造型如此好笑又好，但我地都無人笑得出。
因為早上既天氣十分熱，就連著住長袖既我地都覺得熱，更何況奶粉仔佢仲要被卷住咁多毯係身上。。
好難去對，比自己仲要慘既人，發出取笑聲。
巴嗎？
望落，我都覺得巴。
「啊哈哈，你睇下，成個木乃伊咁，喂奶粉仔 ！ 有阿sir經過阿！」
「good morning sir 。。」
佢抖震既聲線，足以讓我們感動到佢既不安，同恐懼
但一如既往，無人會覺得這個狀況係有問題。
無人會為一個嚇壞了的細路而發聲
因為大家都一樣，心存恐懼
那麼左班既老同又係點玩佢呢？
好簡單，我仲記得果個老同，頭髮已經變成了就黎要退休既淡黑色
膊頭三柴，AOI
意思即係佢既職級，係可以同鷲sir一樣，玩到幾癲都得
而佢又真係玩到好癲
平時一衰之後，拳打腳踢已經不在話下，實屬正常
但我記得佢最癲果次，
係佢將洗完拖把既黑水，由頭倒落去奶粉仔身上。（奶粉仔又唔知衰咩啦）
再將個黃桶扣上佢既頭，然後用掃把不斷敲擊個黃桶，當奶粉仔畜生一般撚。
懲教懲教，說的是懲與教。
你地又覺得這是懲的一環嗎？
其實，入到二倉，醒目既人都知道，唔想受到慘無人道既對待，唯一做法就係唔好衰，唔好比阿sir知道你既弱點。
就算衰左，都要衰得低調，爽快啲，Sorry sir都要叫得大聲啲
但係，你永遠唔會知道自己幾時會衰。
我係二倉，都試過一次幾巴既經驗
那日，我們二倉入了沖涼房沖涼，
每個人都寬衣解帶，然後跟隨啊sir指示，逐個逐個去到指定既水喉下淋浴。
沒有免費提供的梘液洗頭水， 只有水喉下面一舊，你知道一定有人用過的細塊番梘
我按下水制，花灑射下的水花，讓我覺得爽快。
但淋了無幾秒，水花又停下了，
於是我望向按水位，打算再按一按
但這不望還好，一望
我就赫然發覺， 一隻蟑螂，俗稱曱甴既生物，
無端端肆無忌憚地出現頭先我按過既按水位上。
我唔係話特別怕昆蟲，但對曱甴，則是莫名的討厭
而且呢個曱甴出現既時機同位置，就好似佢同我變左個魔術一樣，嚇得我下意識向後退了幾步。
好啦，意外黎啦
地下又濕，眼前又無端端出現驚慌，一後退再加上左腳kick右腳
下場就係我狠狠地向後仆在澡堂地面上，順帶地濺起了一些水花
巧的是, 那些水花，濺去了鷲sir那邊
「哇! 我屌啊 ! 你做乜鳩野啊 ? 無事啊嘛 ! ?」
鷲sir立即大罵
「sorr sorry sir !」
我連忙爬返起身回應..
「你無事啊嘛?」
鷲sir呢句真係讓我意外,竟然關心起我?
「Sorry sir. 同sir報無事 」
「但係我濕撚曬喎 ! 你望下我見衫 ! ? 」
我屌,大獲了
雖然鷲sir唔係真係濕曬, 但佢件軍裝確實有幾滴濕了水的痕跡.
「Sorry sir !」
我顧不上場面既失態, 即使未著衫我都立即舉手踎低道歉
「咁你做乜仆親啊?」
「Sorry sir. 同sir報我頭先見到一隻曱甴,比佢嚇親.」
「曱甴咋 !? 你好驚曱甴嫁咩 ! ?」
「Sorry sir...」
呃...其實又唔係話驚既, 係討厭咯
「咁你唔驚又會被曱甴嚇親? 係唔係果到果隻啊? 黎啦, 捉佢返黎」
仆街, 咁大整蠱?
「呃...」
「呃乜撚野啊? 姐係驚啦」
「Sorry sir.! 同sir報...我未捉過..應該點捉?..」
「用手捉咯撚屌! 佢就走啦 ! 拿 ! 你係唔係唔捉啊你宜家? 唔捉姐係你驚啦, 你有恐懼既, 阿sir就會搵辦法幫你克服恐懼嫁啦.」
「Sorry sir...」
屌但係點用手捉啊 ! !
我可以隔住拖鞋, 紙巾, 一野啪死佢,
但空手捉起佢而唔係殺死佢, 我真係想象唔到自己做到,而已有必要做咩 !
鷲sir見我真係唔敢, 於是一聲令下
「喂阿B ! 捉起佢 !」
只見牌板同學收到命令, 一句Yes sir 便衝去曱甴那邊,
然後一野掃它在掌中,再雙手成籠困住個畜生
我望到口呆目瞪,
屌. 原來牌板真的是全能的
「捉到啦鷲sir !」
「拎過黎, 擺入呢個煙盒入面先, 喂肥閪, 著返衫先啦」
我拿拿聲著返衫, 然後鷲sir拎住個煙盒, 不懷好意地對著我笑
「Sorry sir..」
糟糕了, 呢啲眼神一定無好野發生.
「拿, 唔好唔認啦, 大家都知道你驚曱甴既, 所以宜家呢, 阿sir我幫你克服佢啊」
接著, 鷲sir就拎住個煙盒,擺入了我左邊心口的衫袋入面
一放入黎, 我心口皮膚立即就feel到煙盒入面果個生物既跳動.
厭惡到我起曬雞皮,但鷲sir似乎很中意呢一套
「拿,袋好佢, 唔好比佢走甩啊 ! 唔見左既我要你再捉返隻嫁,我收工再檢查 .」
於是我由沖涼房出來後, 心口袋內多了一隻曱甴陪伴我
但老實講, 果刻我真係覺得驚同唔舒服.
我唔係一個潔癖,同埋好討厭昆蟲既人,
但曱甴呢種生物, 有無必要靠零距離接觸去證明自己唔驚佢啊! !
於是我那天就帶著它開始步操, 途中不斷恐懼,不斷分神, 因為我好怕佢走出黎然後爬係我身上
「起步~ quick march !」
「About turn !」
「squid halt !」
「原地fing 手quick march !」
我袋住隻野, 進行著以上既步操指令.
由於步操所需集中力大, 動作又大, 所以即使我心中在意,但都無暇顧及口袋有無打開
然後突然間, 我後頸突然感受到一股痕癢,蔓延上腦袋
我立即雕左雕心口個袋,見到個煙盒盒蓋打開左
我屌 我屌 我屌 我屌 我屌 !
我立即知道咩事, 顧不上正在步操, 連忙fing頭加伸手,啪了啪後腦同頭髮
那隻曱甴立即被啪飛到地下,然後急爬入附近既草地消失得無影無蹤.
見到個畜生走, 我終於鬆了口氣
而且好彩帶操的阿sir無見到我啪走佢
事後由於鷲sir已經唔記得左, 我又無提, 所以那天既呢件事,不了了知
記憶中,係二倉入面,我最深刻既事就係呢一次.
但亦都有一次, 令我發現二倉有啲阿sir都算唔錯的
那次, 由於廚房要大掃除, 所以廚余隊伍一共五人既我們, 包括山猴都過左黎幫手
丟啲好臭既垃圾, 洗廁所, 掃飯堂地, 真係未做飲食業,就已經體驗左飲食業既巴
忙了成個下午後, 終於搞曬, 但個個人都已經邋遢左,甚至仲有啲臭
我們就當然希望可以沖個涼換套衫啦,
但我地都知道,其實廚房個阿sir無必要咁做,佢可以大有理由地直接丟返我地上返二倉,由得我地繼續臭落去
結果,
果個阿sir並無咁做
佢反而係超好人地專登去幫我地拎沖涼房鑰匙, 然後開埋熱水爐,又問洗衣期數拎左我地既新衫比我地換
那時候,就入冬季,
漸冷既體溫,但我們五人卻可以淋著溫暖既熱水,
最正既係果個阿sir話, 我地可以沖十分鐘.(平時沖涼, 三分鐘都唔知有無.)
最後佢仲拋了一支梘液入黎比我地.
所以,有一些恩情, 真係可以讓人記住好耐.
雖然我已經唔記得個阿sir既名, 但都想係呢到,講聲多謝比佢
同理心, 並不會讓你賺到什麼
但那個阿sir既同理心,讓那天的我們感到人情溫暖
.
.
.
.
.
.
二倉既生活, 接近尾聲, 上庭判決的日子就到
我重新企上被告席位.
短短七日讓我感受了, 什麼是監獄.....什麼是巴..
那麼現在,
我真的罪該如此嗎 ?