[少年監獄] 感受沙咀: 12. PE堂
Check房後,
我著返底褲.
見到阿勇已經穿上底衫和衛衣,下身著住PE短褲和PE布鞋.
然後佢將對拖鞋擺做底,跟住係拖鞋上面逐漸推上其他物品:
先擺上皮鞋
再擺上折成方形既
棕色外褲
棕色外套
最後係外套既開口領入面放上折好既餐巾同堆疊左既八格廁紙
呢堆堆疊物,我地稱之為locker
每次出倉,我地都要帶住自己既locker
阿勇已經左手托住成個locker,右手拎起茶麥,出了倉背靠走廊墻望住我
但眼神仍然兇狠,而且同旁邊11室既培訓開始傾計,睇黎都係話咁我
不過我係新人組,哪有時間注意這些,堆疊locker其實都有啲難度
因為堆既野唔係硬件,要個locker保持到平衡唔會冧,其實好考你對物件平衡的掌握
「新人組全部底衫衛衣,短褲拖鞋出倉 !」
「Yes sir !」
我依照子藍sir命令,換上以上既裝束,但locker似乎就要有啲改變
PE鞋應該擺係Locker既邊一層呢?
合理啲諗,應該係皮鞋下面掛?
「新人組加快啦 ! !」子藍sir催促道
「Yes sir !」我在倉內應機,加快手腳
「除左新人組,其他人全部泊腳左轉,left turn !」
虎sir開始發號
「one !two three one !」
不知哪來的打數
走廊上的全部培訓全部向了走廊的出口轉身.
「起步quick march ! 全部門口集隊 !」
「Yes sir check !」
隨即,培訓們步出了走廊,剩下了新人組
我亦立即托起locker,拎埋茶麥,學其他新人組走出走廊
望左望其他新人組夥伴，好彩我無搞錯locker
「新人組出曬黎未啊 !」子藍sir大聲詢問
「Yes sir ! 」
「等陣我會嗌"全部泊腳左轉,left turn ",泊腳既意思姐係唔使揼腳,而且室內通常都唔使揼腳」
Recall這時亦都行埋黎教我地點泊腳轉身
姐係原本拼埋一起既雙腳,左腳向左轉一個九十度,然後右腳再合埋上去
呢到既打數就係「one !two three one !」
one轉腳,two three one !去完成這個動作
「識曬未啊? 咁聽住了wor !」
「新人組全部泊腳左轉,left turn !」
「one !two three one !」
Recall打了數
我地亦跟住左轉,面向走廊出大廳的門口
「全部行出黎 」
「Yes sir 」
我地步出走廊回到大廳
「全部人擺低locker,Recall去幫手」
背墻企定後,Recall亦過黎幫手
我地聽命將茶麥放在大廳另一邊的白色locker櫃上
然後再回到原位放低自己既locker,鞋頭向出.
隨後就係漫無目的地等
等待子藍sir下一個指令
但子藍sir只係靜靜坐返係枱到.
我地如待機的機器人,隨時聽候命令
「頭先,」子藍sir開始說話
「邊個比虎sir找左數啊?」
子藍sir發問
我們新人組差唔多全部都踎低舉手應左Yes sir.看來應該無一倖免
「邊個叫蔡衡啊 ?」
「Yes sir」 每一次被阿sir點名,都係一次不安
「過黎 」
「Yes sir !」
我靠了過去子藍sir果邊
我又衰啲咩啊？
「你琴日被其他阿sir教導過咩?」
「Yes sir 」我略帶委屈說
「教導左你邊到啊?」
「呃.同sir報..pat pat 呢邊」
我側了側身摸了摸淤青位置.
「除出黎睇下」
我照令褪下長褲,露出那塊淤青比子藍sir檢視
「哇.咁大塊既 !? 使唔使卒啲油啊?」
意外地,我係這句說話聽到關心既語氣.
「Thank you sir..」
我感激說道.
「邊個阿sir做架？」子藍sir問
「同sir報，輝sir….」
「唉...」
子藍sir呢下嘆氣，帶左啲唔係針對我既怨氣在內
「Recall ,拎支油出黎比佢搽下」
「Yes sir 」Recall回應,然後搵左支藥油遞比我
「Thank you sir 唔該同學」
「Thank you sir 唔該同學」我回應
子藍sir跟住發話
「記住啊,其他新人組都聽住,係你新人組期間,如果你比其他阿sir找數教導既,我一定要知,一定要同我講 ! 無論你衰咩都好,都要講,知唔知? 」
「Yes sir !」
「仲有啊 ! 同啲未見過既阿sir報既時候,一定要加新人組呢個三個字.點解啊?因為要 比其他阿sir知道,你仲係個新人,你犯既錯都係因為我教得唔好.」
「Sorry sir !」
呢番充滿威嚴既話語,讓人覺得子藍sir就好似一個會睇住你既大佬咁.
我心中竟然對新人組呢個身份,產生了些少安全感.
Recall拎左支藥油比我,我滴了幾滴在手掌上,慢慢搽落痛處上.
其實被輝sir"教導"完後,我一直都無乜點留意個痛位係點
宜家一邊擦藥油一邊睇返,塊淤青原來都有半個Iphone咁大.
「喂肥仔 !卒大力啲,卒快啲啦,咁樣卒有用咩? 使唔使我黎啊?」
子藍sir在旁對住我屎忽賊笑,伸出手掌問道
屌你似想打多掌多過幫我
「Sorry sir 」我立即加催力度
「仲有啊,琴晚邊個話要剪指甲嫁?」
「Yes sir 」武傑回應道
「Recall ,指甲鉗 !」
「Yes sir 」Recall應完,拎左指甲鉗比武傑用
「啲指甲碎唔好周圍飛啊.放落拖鞋到或者手到,剪完再同我報扔垃圾」
「Yes sir 」
「Recall ,派埋鬚刨」
「Yes sir 」Recall在旁拎出鬚刨
「Thank you sir 唔該同學,鬚刨」Recall開始派鬚刨比隊伍
接過鬚刨既同學亦都說了句Thank you sir 唔該同學
之後開啟鬚刨剃鬚.
無錯,沙咀既鬚刨係電動鬚刨.
「Thank you sir 唔該同學」
「Thank you sir 唔該同學」
「Thank you sir 唔該同學...........」
我地逐個逐個開始剃鬚,而我亦搽完藥油回到隊伍,臨回隊伍前,子藍sir仲抽擊左塊淤青位置,痛到我彈左彈
「醒目啲啦肥仔」
「Yes sir 」我摸住痛處回到隊伍,開始剃鬚.
我們全部人整頓完後,下一個節目要開始了
早飯
「全部出B座集隊 !」
「Yes sir !」
我們開始跟住蛇形路線前進,在B座的門口右側單行排隊,等著
第一個考驗開始
致敬
「陳智渲 ,致敬 !」
「Yes sir !」
阿渲行到門口正中既位置,正當佢打算抽起右腳時,子藍sir插入對話
「喂等等, 新人留意,如果著住拖鞋,就唔需要抽腳揼地嫁啦,直接左腳企過去,然後右腳一下泊埋去就得,阿渲黎多次」
「Yes sir !」
阿渲重複頭先子藍sir所說的動作,然後嗌出台詞
「good morning sir good moring sir, 請批准我們新人組學童離開B座sir ,good morning sir thank you sir」
完美,毫無破綻
子藍sir亦露出欣慰既眼神
「全部出去集隊!」
「Yes sir !」應完,阿渲帶頭行出了B座門口
「喂 ! 返番黎 !」
子藍sir嗌停出了倉的阿渲
我亦都知道原因
「你有無漏野啊?」
子藍sir一個手掌抽擊了阿渲的後腦,唔知點解,個抽擊動作有啲熟悉感,又好似係邊到見過咁
「Sorry sir !」
阿渲停左停,回到原位,改正錯誤
無錯,佢漏左出入門口時要做既"芭蕾舞步"
「Good morning sir」
「Good morning sir」
「Good morning sir........」
我們一邊跳舞,一邊嗌出對白,步出B座,然後門口集隊
「起步quick march !」
子藍sir發號,隊伍開始前進
行進間,我見到遠處既草地盡頭,有一大班人集合埋一個地方,規律地重複某啲動作.
同時亦傳來打數
「1 2 3 4 ,2 2 3 4 , 3 2 3 4 ,4 2 3 4.......」
打數聲規律但聽得出辛苦.
「by the left, left wheel !」隊伍向左轉向,繼續向飯堂前進,我亦都轉過頭
「5 2 3 4, 6 2 3 4 , 7 2 3 4 , 8 2 3 4 ………...」
隨住距離,打數聲逐漸離遠,飯堂亦近在眼前
「squad….halt」
「one ! two there 」
「咚 咚 」
少數人抽起了腳揼地制停,但子藍sir之前話過,著拖鞋唔使
少不了一番責罵.
完後,我地都知道,飯堂致敬既環節到了
唔好嗌到我,唔好嗌到我
每個人心中呼喊著
「羅少強,致敬!」
又係佢
好明顯,佢宜家被子藍sir針對
「Yes sir ! check !」
少強再次步出隊伍,向住飯堂操去.
任誰都知道,佢今次再衰,子藍sir一定會做野
佢用返一步行路法踏上飯堂,我既記憶亦都記得呢下正確
然後佢繼續操到紅線前
抽腳揼地
可惜,又衰
「你做乜撚野啊?! 我啱啱係出面鬧完啲咩啊? !」
子藍sir鬧得無錯,拖鞋,係唔需要抽腳揼地的
「陣間食飯走肉!」
懲罰立即降臨,子藍sir憤然說道
「Sorry sir !」
少強大嗌認錯.
「繼續啦」
「Yes sir !」少強深吸一口氣,大嗌出台詞
「Good morning sir good morning sir, 我們新人組學童現在進入飯堂sir, good morning sir thank you sir !」
台詞無錯
子藍sir亦無怨言
「起步quick march ! 」
「Check !」少強大步轉左繼續操去
我地亦如螞蟻般跟住少強既路徑,再次操到飯堂靠墻左側通道.
「全部停低.停低」
今次子藍sir唔係用指令叫我地停
「拿,琴日唔得閒教,宜家教點樣,係飯堂入面操」
下,係飯堂入面都要操?
「全部望出黎,陣間我講march time,之後你地就比啲心理準備,阿sir會操你地一陣間既,但最後呢,點都會嗌一句squad ,halt嫁啦」
「你地都知squad halt係點解嫁啦,但係係飯堂既呢個squad halt呢,就唔同出面操既squad halt 」
「飯堂嗌squad halt既動作,就係要呢兩下揼地聲」
子藍sir說完後,佢雙腳隨即一前一後抽起,發出響亮既 "碰碰" 兩聲
「嗌到squad halt個halt呢,如果個halt落係左腳,咁右腳就要立即揼地,然後左腳再提高再揼返落地.」
「好啦,宜家望住我,我示範一次比你地睇,你地唔使做住,留心啦」
說罷,子藍sir開始對自己發號
「march time !」
跟住子藍sir開始不斷交替提起雙腳,而且打橫望去,每次升起既腳,膝蓋都係九十度,可謂十分標準
「left right left, left right left, 見到未?呢個, 就係我要求你地既march time ,腳要九十度,腳尖落地,上半身挺直.」
我們都看得入神
「唔識應啊? !」
「Yes sir !」
啊仆街,全部都無應到
子藍sir面色略顯不爽,但都繼續教導
「繼續留心 !望住跟住落黎個squad halt啦 」
說罷,子藍sir發出指令
「squad halt !」
「One Two !」
更神既係子藍sir自己打數埋自己果份
子藍sir既halt落係左腳,而右腳隨即"碰"一聲落地,跟住利用埋個反作用力左腳順勢再提高再落地"碰"
兩下清脆既揼地聲,彰顯了子藍sir新人組校長既身份
我不禁肅然起敬,因為真係成個動作好完美好靚
就好似睇住個機器人自己命令自己一樣精準,驚奇得黎又覺得讚歎
「跟住到你地啦,預備.」
但我地唔係機器人,真係無信心做到好似子藍sir咁完美
「march time !」
「check !」Recall打了數
始終都要做,我們提起精神,開始抬起左腳march time
「我頭先講左啲咩啊? !」
「腳尖落地 !」
「上半身挺直! 保持平衡!」
「膝頭哥九十度啊!」
子藍sir在皇帝路上連珠爆發,不斷爆出提醒和指責
但march time呢個動作要做到標準同持續,真係好需要練習
而此刻亦只能盡力
「好啦,跟住就squad halt 嫁! 留心啦 !」
squad halt ! ! !
這個指令讓成個飯堂氣氛為之一變
我地立即照住指令同頭先既教學
「One Two !」
"碰碰"兩聲
「At sure !」
子藍sir不滿大嗌
「Sorry sir !」
我地亦知發生咩事,頭先既兩聲唔夠齊.
「起步march time !」
「Check!」
嗒.嗒.嗒.嗒.嗒.......
「左腳右腳左腳右腳,左,右,左,左右左..........」
「蔡衡,袁家壯錯腳啊! !」
「Sorry sir !」
「黎多次啦! squad halt ! ! ! 」
「One Two !」
碰碰
「At sure !」
「Sorry sir !」
……………………………
唔知操左幾耐,子藍sir終於滿意,開始教下一個動作
「宜家阿sir講完squad halt啦,下一步,我就會講半臂Cover Move ,Move就係個動令,聽完move先好同我做,咁係點做既呢?」
說罷,子藍sir再次側身望前,再次示範
「半臂Cover Move !」
子藍sir對自己發出號令
「One Two ! two three up, two three move !」
然後子藍sir發出打數,同時做動作
佢好似頭先squad halt一般,在"One Two"的時候,抽起前後雙腳發出碰碰兩聲,之後"Two Three Up"既時候,右手既半臂,姐係前臂在腰間提起,水平九十度
最後個"Two Three Move",子藍sir雙腳隨即不斷交替快速密集地揼地
"嘣嘣嘣嘣嘣嘣嘣嘣嘣嘣嘣嘣嘣"
單單得子藍sir一人揼地,但飯堂卻好似產生回音般
「Halt !」
子藍sir再次發號,同時動作停下,恢復站立姿勢
如果要教出機器人,自己亦必須係個機器人
「宜家全部黎一次!」
「半臂Cover Move !」
「One Two ! two three up, two three move !」
Recall打數
我們亦隨即跟住練習動作
碰碰
嘣嘣嘣嘣嘣嘣嘣嘣嘣嘣嘣嘣嘣
「Halt !」
「練多次! 半臂Cover Move ! 」
「One Two ! two three up, two three move !」
…………………………………..
「攞飯 !」
「Yes sir Check !」少強轉身踏出腳步
左腳踏前,隨即右腳抽上去再揼落地面.
碰-------
「Good morning sir good morning sir ,我們新人組學童現在開始攞早飯sir , good morning sir thank you sir !」
「開始攞飯 !」
「Good morning sir thank you sir !」
全部人開始大嗌
亦呢個部分我都唔再多加墨水了
到最後成個早飯食完,我都係食唔到啲菜啊肉啊汁啊
諗返子藍sir對少強既走肉懲罰
我諗如果擺落我到,懲罰都算無效既,哈哈
食完飯,其他Team既人都逐漸黎到飯堂開場
虎sir亦都回來,
子藍sir迎了上去
「喂虎sir,食完啦?」
「子藍sir,去吃飯啦.我幫你睇住.」
這時,其實兩位阿sir既距離幾遠,話語約莫聽到
「噢好啊,Thank you sir .」子藍sir調皮地向虎sir回應
「啊係,頭先我同輝sir講左嫁啦.」虎sir不經意地加多句
又輝sir?講左啲咩啊?
「嗯..最好, 新人組聽住,宜家我去食飯,虎sir帶住你地先,醒醒定定啊 !」
「Yes sir Thank you sir」
說罷,子藍sir步出飯堂
致敬位起立
「Good morning sir thank you sir 」
我們的早飯隨之結束
回到B座
這早的節目
摺擺房衫教學
我地在B座內,入了一間課室
我無寫錯,真係一間課室,因為啲枱啊凳啊都係學校常用既果種橙木色.
而課室前面和側邊既黑板,一早被沙咀既"宣傳"內容覆蓋
宣傳啲咩沙咀係加分制啊,每日受訓流程係點點點
不過大家都會知道,呢啲係假像
而虎sir在教枱的正前方,開始準備啲教學工具
「喂阿峰 !! 拎兩套衫出黎 ,仲有黃簿仔同鞋刷 !」
「Yes sir !」
Recall之一蘇建峰應道.
在準備期間,子藍sir亦食完早餐回來
「Good morning sir !」我們見到子藍sir後立即問候
不過子藍sir無理我地,佢望左望我,然後叫左虎sir出去課室交頭.
「誒子藍,食完啦?」
「係啊.我見唔到輝sir,不過同阿志強講左,叫佢地下次小心啲,吊佢入都未撚入黎新人組就踢到佢咁,萬一自殺左邊個負責先? !,真係癡撚線.」
咦,又係我果單.
「咪係咯,臭閪話就話保安姐,教既咪又係我地,唉,咁個撚樣無乜野啊?我今朝見到都唔算大塊姐」
聽完對話,心中覺得矛盾.但都有種窩心.
「比左油佢搽啦.宜家搞咩啊?摺衫?」
「係啊,今朝Check房,全部新人都唔撚識摺既 ! 逼撚到我找曬班仆街既數.」
虎sir講呢句既時候,故意加大左音量
我地立即會意,佢係故意想我地聽到
「Sorry sir !」
我地立即在課室回應
「噢..咁我教返啦,啲Recall留埋比我?」
「Yes sir ,咁我過大棚先」
「Good morning sir ,Thank you sir」
我地目送虎sir出去後,
另一邊Recall都準備完教材
於是道具齊了,剩下的就是教學
如何折好一套擺房衫
講師:子藍sir
.
.
.
.
.
.
不過教摺衫呢個部分,其實唔係太記得,所以我想遲啲再補返.
而且一個早上,係B座學下學下,就好快完結.
到了中午,我地重新進入飯堂.
「Good afternoon sir good afternoon sir, 我們新人組學童現在開始攞午飯sir, good afternoon sir thank you sir !」
一塊雙層對角切半的厚牛油方包,加一杯用茶麥裝住既綠豆粥.
這就是沙咀的午餐
我們對完腳,移完碟.
開始用餐
然後,飯堂門口處開始有個人形慢慢接近,我們都知道,綠色服裝,又可以行路行得如此隨意的,只有阿sir
外面太陽毫不客氣地猛曬.
所以他帶著黑色鏡片眼鏡加懲教帽,一副正常,稍壯既身形,目測應該岩岩踏入中年既年紀
我無接觸過面相學,但佢散發既氣場,不知為何,有點兒老油條的味道
入了場後,致敬位的武傑起立
「Good afternoon sir」
我們既叫聲率先迎接了他
子藍sir亦走前交接
「喂,秋sir,交更啊?」
佢亦行埋去子藍sir到:
「係啊子秋sir,咪就係接你更咯,點啊今日,有三個新人岩岩落黎?」
「喂新黎果三個新人,起身」
「Yes sir !」
我們三個,立即給予反應起立.
「聽住啦新人,呢個就係你地既新人組左班校長,秋sir」
秋sir
左班
又一個新人組校長