先拋開對秋sir巴唔巴既疑問
其實每個遇到過既三年班同Recall,都告誡過我地
每個沙咀既阿sir,你都唔應該得罪同衰
所以無論對秋sir係咩感覺,咩諗法
做個機器人,聽從命令.有乜做乜先係新人組既本分
「啊係,今日教左點摺擺房,今朝check房原來全部新人組都唔識摺嫁」

子藍sir說
「下,咁咪又要教多次?」





秋sir回應
「教左啦,仲有呢個肥仔啊,琴日比保安找左數又唔講,又係今朝先朝知,不過唔怪得佢既,佢都唔知要報.」
「哇,咁可憐既?入都未入曬黎就比阿sir找數啦?」
佢地兩個望住我講,一唱一和,尤其係秋sir扮做可憐我既樣,真係假得黎又好笑
我立即唔好意思補句sorry sir
「嗯,仲有羅少強咯,致敬到宜家都未撚熟.我就黎想留佢班架啦」
「哇,又係你啊,阿強,咁唔聽話既?」
「Sorry sir !」阿強回話
「咁子藍sir放工去休息啦.剩低既我教啦,新人組,你地好辛苦子藍sir wor」
「Sorry sir !」我們一起回話




「啊係,黎緊我放假兩日,你地醒醒定定唔好衰太多野啊 !」子藍sir對我們說道
「Yes sir  !」
「好啦子藍sir,我睇住佢地啦.」
「哎好啦好啦,走啦.」
說罷子藍sir拎起自己頂帽,向飯堂踏出腳步
我地亦隨住致敬位,嗌出

「Good afternoon sir Thank you sir」
子藍sir OUT
秋sir IN




「新人組.」

秋sir望住台上Recall般過來既文件說道
「Yes sir  !」
「繼續食妹」
「Yes sir ,thank you !」
「咩野話??」

呢句質問,我地聽得出係不滿.
我們立即加催聲量

「Yes sir ,thank you ! 」
但係,秋sir企左起身,開始行過黎我地到
任誰都覺得,秋sir行埋黎,一定會發生啲野
「嗌乜野Yes sir thank you 啊 ! 開始食飯係嗌good afternoon sir thank you sir嫁嘛!」





佢大力錘了膠枱一拳,震動讓我們的心猛地一跳,原來唔係衰聲量,係內容
「Sorry  sir ! 」
「繼續食妹 !」
「Yes... 」

「Good afternoon sir ,thank you ! 」
秋sir立即發現不妥,我地亦知咩回事
有個傻閪又諗住嗌Yes sir thank you sir,但係發出左一聲"耶"就收左聲
「邊撚個"耶"啊?」

呢句其實幾好笑,因為頭先果句的確係喝彩既果種"耶"

秋sir雙手擺在膠枱上,笑住問道
但係我地誰也笑不出,因為那是惡魔的笑容




我們全部坐在位上,膽戰心悸,互相用住質疑既眼光望黎望去
邊撚個啊?招啦 !

我地都希望,果個人可以自己企出黎
「下? 無人招啊?」

好明顯,沙咀阿sir唔會有耐性等你招的
「Sorry sir ! 」

阿強企左起身舉手應機
屌又係佢,我地眾人心諗
秋sir走了過去,一下扯起佢既衣領,大聲對住佢塊面咆哮

「你耶乜撚野啊你 !? 好撚開心啊!頭先問你,你唔即刻應?」
「我頭先講左嫁啦,嗌good afternoon sir thank you sir啊嘛, 你醒未啊?」





秋sir近距離一巴打在阿強面上
而阿強,只能
「Sorry  sir ! 」
「醒未啊?  」

說罷又加一巴
「Sorry  sir ! 」
「醒啦嘛!? 」
「Sorry sir ! 」
「屌你老母答Yes sir 啊嘛呢個時候!  ! 」

又一巴
「哎唔好食 !全部 起身收拾餐具! 」
「Yes  sir ! 」





一餐午飯,咁就無左著落,我地全部人(唔包括我)都用住埋怨既眼神,望向阿強
「全部出去集隊返B座,屌你老味真係要打撚醒你個仆街.」
呢句無人覺得係假,我開始暗生同情,但又覺得頭先阿強頭先遲招真係好ON9
回到B座,我們單行靠墻企返係大廳,而Recall亦都拎出B座既各樣找數工具.
秋sir入了冷氣房,並且叫了少強

「死入黎啦! 」
「Sorry  sir ..... 」口裡說不,但身體必須誠實.
少強說出害怕既回應,入了房.秋sir亦都開始兌現佢既承諾
房間內既喝罵和打數開始傳出
「屌你老味你黎左新人組幾多日啊!? 教到宜家都未撚識曬啲野!?」
啪啪啪
「Thank you sir 1」

「Thank you sir 2 啊啊」

「Thank you sir 3啊」
「唔好學致敬啊! 唔好學摺被啊! 屌你老母乜鳩都唔學就唔好衰入黎啊嘛! ! 屌你老母!」
啪啪
嘣 嘣

「Sorry sir sorry sir .................」
碰碰碰

「Sorry sir sorry sir ....」
「你試下再閪落去啊 ! 再閪啲啊 ! 你咁撚閪,點樣落山啊! 係唔係想留班啊! 屌你老尾」
嘣 嘣

「Sorry sir ....」
碰碰碰

「Sorry sir sorry sir ....」

.

.

.

.

.
房間內既聲音,漸漸停下
但外面的我們,心跳卻加速不少
無幾耐,阿強終於出返黎.

一副被打了的小狗模樣,臉上的淚痕,受痛的姿勢
佢頭先真的不好受
「邊三個新人琴日黎嫁 ?」
「Yes sir !」

我們三個新人立即舉手回應
「誒...就你先啦肥閪,入黎先 !」
OH
SHIT
係wor
新阿sir
好似要.........
我知道,那個房間之後會發生啲咩
但係身體必須要入門
縱使我真的不想
我入了門
秋sir亦都拎起一把木尺
WTF !? 點解會有木尺既 !工具既質地決定痛楚啊!
「Good afternoon sir..」

我先踎低舉手說了句開場白
「行埋啲啦,好驚我咩 ?」
我差啲講左句Yes sir
不過都係改口
「Sorry sir..」

任誰聽了頭先果幕,都會怕的吧

「唔使驚wor,呢到既阿sir其實好好人嫁,如果你唔衰,比心機記熟啲野,阿sir又會找你數姐?」
秋sir好似sale咁一層筍樓般,向我介紹呢到既阿sir

但我根本無心聽呢啲說話
「哎,多餘野唔講啦,識唔識報野啊?報黎聽下 」
「Yes sir .Good afternoon sir ,同sir報: 我學童325412蔡衡,因犯藏有兒童色情物品條例,於2013年1月27日於觀塘法院被判罪,法官將我判入沙咀懲教所受訓一至六個月,good afternoon sir thank you sir」
「噢,蔡衡啊..有無單位啊? 」
「同sir報無」
「有無朵或者花名啊?」
「同sir報,出面既朋友會嗌我衡仔.」
「咁阿sir我都嗌你衡仔了wor,介唔介意啊?」
屌我有得介意咩
「Sorry sir」
「哇...點解你咁肥既?」

秋sir拎起尺拍左拍我肚腩
「Sorry sir」

解釋唔到既說話,就Sorry sir
「入左沙咀,你就要減左佢了wor,如果唔係出唔到冊嫁wor 」
「Yes sir ..」

我低頭回應,老實說,我根本無信心減到..
「咁你又點解會衰呢樣野嫁? 你好中意𡃁仔𡃁妹咩? 」
「Sorry sir ,同sir報唔係...」我又要解釋一次,自己既罪行
秋sir聽完後
「哇...咁都得既? !啲警察砌你生豬肉wor,你咪好可憐?」
我真的唔知比咩反應,因為佢話就話可憐我,但佢既語氣同身份,都帶著一股諷刺
「Sorry sir ..」
「咁你上唔上訴啊?」
「同sir報唔上.」
「咁就要捱嫁啦,想唔想早走啊?」
「Yes sir !」我無時無刻,都想逃離這地方
「咁你就要係新人組學好曬啲野,咁樣落左山先唔會衰野,先可以早啲拎走期嫁,不過你個肚腩,哎,睇怕都唔會早走嫁啦」
「Sorry sir ....」

我比秋sir講中痛處,更加覺得絕望
「仲有啊,千奇唔好好似頭先個J仔咁啊,on99咁,又乜撚都教唔識」

「Yes sir !」
「咁要問既都問完啦,你有無野想問啊?」
秋sir比左一種禮貌既錯覺比我,我仲可以問返轉頭既咩?
但,我那敢問

「Sorry sir ....」
「咁跟住落黎,你都知咩事嫁啦.」
「Yes sir ....」
該來的,始終要來.
收數既環節.
「啊等陣先,頭先子藍sir話你比保安sir找數wor,找左邊到啊??」
「Yes sir  !」莫非事情有轉機?! 秋sir會可憐我唔收我數?
「去墻邊除落黎比秋sir睇下」

秋sir說
「Yes sir  !」我立即照做
我褪下半邊褲頭,僅僅露出淤青比秋sir觀看
「喂你怕醜咩,除到膝頭哥比我望清楚啲啊嘛」

呃....

「Yes sir ....」
我褪下褲頭到膝頭哥,轉身,成個八月十五就被秋sir望曬
「哇...都幾大塊wor...下次小心啲啦,唔好得罪到啲保安sir啊,我地都理唔到嫁」
「擦左油未嫁?」
「Yes sir ,同sir報子藍sir比左油擦左」
「咁今晚再擦多次啦.」
「Yes sir .」
「阿sir咁照顧你,你要講咩啊?」
呃...

「Thank sir  !」我說出感謝
「你就好啦,比阿sir找數,兩個校長都照顧你,呢啲待遇簡直要收多啲數啦」

秋sir奸笑了一下
仆街,咁都比你扯到
我轉頭用可憐既眼光望左望秋sir
「Sorry sir ....」我用委屈既語氣求情道
「誒..我左班既排頭就二十下手板既..」
WTF ! ! 20板?
我望左望把木尺,想象二十下手板既痛楚.屌真係唔想受啊 !!
「不過,見你宜家除左褲,找屎忽五板都得既..」

無端端,又多一個新選項
「咁你想找屎忽定手啊?」

秋sir問道
我立即在腦海比較兩者既巴既程度
諗起今朝比虎sir找既手.我真係唔想對手再捱痛
「同sir報..找屎忽」我說出我既決定

但秋sir突然之間一板打落我既右邊屁股.
啪一聲
「哇 !」我瞬間吃痛,身體自然反應縮起屁股向前頂去.
屌你偷襲我 !
我心中叫痛
「Sorry sir ......」

我扭曲面容,露出好痛既表情委屈道
「呢板係打你唔識做,教樣野比你啦,呢到無得比你選啊,如果有阿sir問你你點選,選邊樣呢啲問題,你應該講啲咩啊?」
「Sorry sir ....」我真係唔識答...又要問我選乜,但係又唔比我選,咁點解你要問啊?
「唔識答啊?無阿sir教過咩?」
「Sorry sir ..」我用呢句sorry sir替代了"無人教過"既答案
「縮手,頭轉返過去」
我縮返揉住右邊屎忽既手
「Yes...」

我Yes sir都未講完

一聲
岩岩先受完一板既右邊pat pat立刻又多一板
「啊 !!」屌又偷襲我 !

我立即緊繃屎忽摸住痛處
「聽住啦,」秋sir好似收左我學費般,開始說
「你應該講,"Sir決定".黎多次了wor,你想選找屎忽定找手板啊?」
「同sir報....Sir決定..」

我充滿無奈..
我光住pat pat,等待著秋sir決定
「嗯..咁答就啱啦.找返手啦好無?」
屌.....
其實到呢一步,我已經唔知自己想找屎忽定手了,因為兩者都痛.
「哎算啦,見你都除左褲,都係找返屎忽算」
「Yes sir ...」雖然佢改變主意,但我都只能認賬
「過黎枱呢邊,手擺上枱,手唔好離開枱啊,你一離枱就加多板啊.屎忽挺啲,再挺啲」
擺好位後,

秋sir開始就位
我亦恐懼地望向自己屎忽位
「頭向前啦.」
「Yes sir」我望返前.
「拿, 五下啊,自己打數.」
「Yes sir」

啪 !



右邊屎忽遭受劇痛!
腦袋既警報隨即響起
身體向前挺去既自然反應亦出現
但身不由已,我只能咬咬牙根,強壓住縮返個屎忽同想伸手摸屎忽既反應
繼續挺出屎忽比秋sir處置
「Thank you sir 1」
「仲有四下啊!」
我都知

啪 !
「Thank you sir 2 」
啪 !
「Thank you sir 3 」
啪 !
「Thank you sir Thank you sir 啊...」
我真係忍唔住,企返直身,縮起屎忽,然後左扭右扭,想fing走痛楚.但手依然係枱到,因為我唔想加板
「快啲啦,最後一下啦!」
「Yes sir....」
我恢復返個姿勢
啪 !
「啊Thank you sir 5 」
啊嘶------------------------------------
終於忍過左,好痛啊..我委屈地摸住痛處心諗
屌依家pat pat兩邊都痛啦
「著返條褲,叫下一個入黎啦.」
「Yes sir..」
我抽起褲頭,一邊摸住右邊痛位一邊走出門口
我行去阿壯面前
佢仲一副天真模樣望住我
「嘶--------Thank you sir 唔該同學,秋sir搵你」

說完我嘴角微揚,幸災樂禍笑左笑

「笑咩啊同學,秋sir找左你邊到?痛唔痛啊?」

「你入去你咪知咯」

說罷阿壯入了門

無幾耐

啪啪啪啪啪啪啪啪啪啪........

「thank you 1  ,thank you 2 ,thank you 3啊啊啊啊啊.........」


唉。好彩

聽落二十下手,係巴啲既
我們三個被收曬數後,
阿壯和武傑既雙手已經紅透
我心中雖然心疼他們,但係都忍唔住笑左笑佢地
我貓哭老鼠問句

「係唔係好巴啊?」
「妖你收皮啦,找屎忽咁好」

他們兩個回應
「都痛嫁屌..」
說罷,秋sir由房間出黎,我地立即收聲
「好啦,等陣上PE堂,宜家全部人換衫, 五分鐘內換完佢啊」
「Yes sir !」
PE堂,一聽就知道係辛苦的差事
總不是學校那些打打波,跑跑步既PE堂吧
我們換曬衫,出了B座集隊

「起步,quick march !」

然後,我們操過左兩棟建築,到達了一個體育館.
在體育館出面有一塊由膠粒方塊鋪砌而成既膠地,那就是我們第一堂PE的上堂地點
「全部散開先,四個四個一排,攤開手度位 !」

秋sir安排完位置後,便離開我地
而PE sir亦都到達
我諗,成個沙咀唯一衣著唔使綠色軍裝既阿sir,應該都係得PE sir.
佢叫戴sir,一件印有懲教LOGO既短袖T-Shirt加一條藍色長褲,就係佢宜家14度左右既裝束

表情嚴肅,但睇得出,佢四十幾歲既面孔,蘊藏著二十幾歲的活力和精神.
「有邊個新人我未識嫁? 」

佢開始發問,言語間威嚴中卻又帶著一股溫柔.

那是一絲類似關心的溫柔
「Yes sir !」我地三個又再次舉手
「宜家唔報住,等陣上完PE記得提我同我報啊 .」
「Yes sir !」
「哇 !!」

突然,戴sir發現左我
而且好似當左我係異物般,皺著眉頭向我行過來
唔使問,一定又係我既身形出事
我已經隱約覺得,我啲肥膏一定會讓我係呢個地方難過
果然,戴sir行埋黎後,二話不說就雙手渣起我腰間的"車胎"
「哇,我屌啊.仆街啊 !」

佢一路講,一路起勢咁渣住我啲肥膏,仲要fing左幾下,羞辱萬分
「你咁撚肥,點搞啊? 點解你會入到黎既?」
「Sorry sir !」我可以點答姐,咪又係呢句
「沙咀唔可以有肥仔嫁 !」

佢仲係渣住我層"車胎"fing住講野,屌真係好鬼羞恥

個感覺就好似被人捉住左痛腳不但止,仲要大大聲唱出黎,然後無限放大

如果地下有窿,我一定捐入去再埋起自己
「Sorry sir !」
「出冊前你都減唔到既,你就咪撚走啊!」

佢加大聲量轟炸我,仿佛我就係佢做懲教的生涯中,所教出的一個恥辱
「Yes sir 」
「你講咩野啊! 大聲啲啦!」
「Yes sir !」
「好啦,全部兩聲踎低down !由基本既掌上壓開始 !Recall打數先!」
「Yes sir Thank you sir !」
「One ,Two !」

Recall在打數One時,向後小跳了一下,然後Two立即雙手撐地伏在地上
而呢一下,亦都係好多動作既起始打數
至於PE堂玩既PE
其實即係high intensity interval training(HIIT)高強度間歇性訓練
各種高強度既體能動作,夾雜小小既幾秒休息時間,再繼續動作
記憶當中,做過既動作有
暖身,拉筋動作

袋鼠跳

沙咀最出名既四式掌上壓

闊手掌上壓(普通既掌上壓)

sit up

前弓後箭

抬腿

平板支撐(plank)

快跑草地唔知幾多圈

開合跳

深蹲(蹲腿)

最常做既,都係呢幾樣

除左果個沙咀特色四式掌上壓,其他動作都可以google到,所以唔多講了
但PE sir都會"進修",所以間唔中都會出現一啲新動作
一個小時既PE,大致上就係將以上運動動作快速重複.
老實說,如果你問沙咀邊個部分最正常.

我一定答PE.

但我個人覺得,最辛苦既其實都係PE

因為對我黎講,真係好吃力,而PE每一刻每一秒,都想見到你爆盡自己,突破極限

絲毫不理會你做完PE後,仲有無力氣去捱埋剩下既全日
「拿,今日第一堂PE堂,我會教你地幾個動作,話比你地聽啊,唔好同我渣樓攤.動作要標準啊」
「跟住Recall既動作去做,四式掌上壓,Move !」
「One ,Two !」

Recall打了數,我們全部人亦隨即趴下,做住預備動作
預備動作即係好似將身體雙手雙腳按在地上,然後腰間抬高,成"乀"字形
「開始!」
「Yes sir Thank you sir ! 1 2 3 4 !」

Recall開始打數

1

Recall既上本身猛地向前頂,同時將腰間同Pat pat位下降,呢下動作比較似屌閪既時候,向前頂一樣.但條J係唔可以掂地的
2

跟住佢l既手加上半身一下夾左落去地面,同時腰間同Pat pat位抽返高.就好似抽插抽插既"抽"一般
3

重複1
4

還原預備動作
成個打數1234
Recall做的十分標準
但我係一下都做唔到,無錯,一個完整的1234都做唔到
做到2既時候,上半身落去既動作,手唔夠力,腰唔夠力,我真係一下趴在地上
「屌你老味你訓教啊? 上返黎啦!」戴sir立即爆來責罵
「Yes sirrrrrr….」我吃力地應機,用左好唔標準既動作做到3,再還原4
屌,真係好難
「2 2 3 4」

但打數唔會停
我只有繼續
「屌你老母你屌夠地未啊死肥閪 !比力啦!」

「Yes sirrrrrr….」

我拼命想抬起個上半身,但肌肉被肥膏拖累,我條腰同J又真係唔爭氣地掂到地面

佢無鬧錯,我做呢個動作果陣真係屌緊地
「3 2 3 4」

「比力啦!」
「4 2 3 4」

「出力啦!」
「5 2 3 4」

「出力啊我叫你!」

「Yes sirrrrrr….」

.

.

.

.

.

.

.

.

一組都未算正式做完,我已經感覺力不從心,吃力得很
全身既汗水開始滲出.
但指令,並不會停
「四聲,前弓後箭,Move !」

「Yes sir Thank you sir ! 1 2 3 4 !」
「2 2 3 4」
「3 2 3 4」
「4 2 3 4」
「喂喂喂,屌你老母死肥閪渣夠樓攤未啊!」

說罷戴sir一腳踢落我肚腩到
我暗地吃痛,但都不敢吭聲

「Sorry sir ...」
「屌你老母大聲啲啦」

又一腳
「Sorry sir !」
「全部人再黎過 ! 做到呢個同學得為止 ! 」
「Yes sir Thank you sir ! One , Two !」

這時,附近的人已經開始不滿我
因為正正係因為我的不濟,呢個動作又要再黎過.
我累左大棚
「1 2 3 4 ,2 2 3 4 ,3 2 3 4………...」
「全部人再黎過 ! 蔡衡同學又唔得啦 ! 」
「Sorry sir !」

我憤怒,感到慚愧,但也只能說這句
「Yes sir Thank you sir ! One , Two !」

大棚的人開始向我發出責怪既眼光
我低頭,望住眼前既膠粒地磚,逃避眼光
「1 2 3 4 ,2 2 3 4 ,3 2 3 4………...」

「屌你老母腳抬前啲啦!」
「全部人再黎過 ! ! 」

.

.

.

.

「四式掌上壓,Move !」

.

.

.

.

.

.

.

.

.

.

到最後,我有奮力
我有拼命
但我都係好撚無用
最後那堂PE堂,我都係陀衰左大棚不少,被戴sir踢左唔少之餘,更加讓戴sir激氣,然後做左好多好巴既動作
完結後,好多人都眼帶責怪望我,就連Recall都忍唔住經過既時候低聲鬧我

「你夜晚返倉好同我練下wor你.」
委屈就真係好委屈
但亦只能強壓眼淚,忍受一切
因為喊真係無用
「果三個新人呢? 仲唔過黎同我報野!?」
「Yes sir !」
我排在最後報
但我報都未開始報前
戴sir已經忍唔住把火
「我話比你聽啊 ! 新人組呢段期間你好同我比心機練好啲動作佢啊,你真係好撚差 ! 再咁落去,啲數有排你找,找撚到你仆街啊!」
「Yes sir ! !」

我被佢嚇得心神恍惚,但都係要應機
「報野!」
「Yes sir !」

「Good afternoon sir ,同sir報: 我學童325412蔡衡,因犯........」
我說完後,等待佢繼續問我點解會衰,因為每個阿sir都係咁
但反常地,佢聽完,只是簡簡單單"嗯"了一聲,便再無更多說話
但那聲"嗯",我聽到一絲體會
戴sir又多加幾句"嚴厲"的告誡後,
秋sir亦都返左黎接班.
我地再次quick march
經過洗衣房,停下
然後搬了2個藍西返B座,入面裝住新的底衫,底褲,毛巾
睇黎等陣要沖涼
回到B座後,
全身的臭汗味,讓人不好受,但阿sir未有order,你都唔會有任何動作可以做
我地照樣單行靠墻企走廊,然後秋sir坐係舒服既辦公滾輪凳,碌左過來我地呢邊
「上完PE wor ,巴唔巴啊?」

秋sir問道,但絲毫聽不出關心
「Sorry sir !」我地用呢句代替"NO"既答案
「Thank you sir 唔該新人組同學報野 !」

突然,Recall係旁邊說出這句
我感覺到,佢好明顯係針對我,而且語氣充滿責怪
我知道,的確係我唔啱
但我更驚,我被大棚杯葛
「Yes sir !」我立即向住秋sir踎低舉手
「下?發生咩事啊?要報咩啊?」秋sir問
我深呼一口氣緩緩說道
「Yes sir ,同sir報..頭先我上PE堂既時候,被戴sir教導...」
我好像一個做錯事的孩子般,用好傻既方式說出自己既錯誤

「哦..無乜野啊嘛?」
「同sir報無事..」
「咁你做乜喊啊?」
原來,我都係忍唔到
一行淚水不自覺地由眼眶留下
「Sorry sir..」
死啦..仆街我情緒竟然控制唔到
「做唔到PE姐,點解咁傷心啊?」
「Sorry sir..」我立即抹走淚痕,我唔想比人懦弱既樣子
「哎..起身先啦..」
「衡仔,你知唔知你落山之後,你係咩team 啊?」
「Yes sir..同sir報S」
「咁咪係咯, S好過J嫁啦,J就日日操,S都可以博下洗衣同指模房兩個期數去做,YA就更巴啦,最早既走期都係十隻一,你幸福好多嫁知唔知?」
「Yes sir..」
「其實,呢到既生活好簡單,步操,體能,你掂既,日日再摺好啲毯聽阿sir話,一日就係咁過.」
「所以你肚腩大既,咪減左佢就無事咯,你地某啲人步操廢既,咪操到靚為止咯,唔係既話,沙咀咁多時間你可以做乜?」
「都係果句啦,你肯做既,阿sir唔會點對你,但係你唔撚做呢? 阿sir就會有方法幫你做」
「你識做,我咪識做咯」
「Yes sir」有幾人回應了yes sir
「拿,你睇下,得幾個人應,呢啲咪唔識做咯」
「Yes sir ! !」我地全部人一齊應機
「恩..咁仲有無人報啊?無就沖涼啦」
「Sorry sir ! !」
「好啦,全部人除剩底褲,動作快啊,凍啊 ! 呢到唔比感冒啊!」
「Yes sir ! !」
我們全部除剩底褲,然後入了B座的洗浴間

B座的沖涼房位其實幾細,6個花灑但企6個人入去後,互相既距離應該連一個身位都無,勉強轉到身,但大動作就一定唔得
當然,我地三個最新的新人組係最後沖,睇住前面既人先沖,而我地就得返一條底褲挨住凍先.
跟住前面既人開始依次序拎替換的底衫底褲同毛巾,然後一起掛在墻上的勾上,除埋底褲,赤身裸體,企在花灑下
然後光脫脫既全部人舉手
「報 」
「Good afternoon sir, 請批准我們新人組學童開水喉sir, good afternoon sir thank you sir 」
「開水喉, 一分鐘啊」
「Yes sir Thank you sir ! !」
過了不久,可能一分鐘都無
入面的水聲漸漸停下,
「Good afternoon sir, 請批准我們新人組學童穿回衣物sir, good afternoon sir thank you sir 」
「快啲著衫死返出黎,其他人跟住入」
終於到我地,我地依次拎完野,除埋底褲,然後全部舉手等待秋sir果句"報"
「報  」
「Good afternoon sir, 請批准我們新人組學童開水喉sir, good afternoon sir thank you sir 」
「開水喉」
「Yes sir Thank you sir ! !」
雖然無講時間,但我都知道,時間短暫
一按制,滾燙既花灑水由頭淋落腳,水既溫度如果擺在家中,我一定叫熱,但宜家卻讓冰冷的身體溫暖不少,好舒服

我立即轉身,係梘液到按左三下,而且規矩上亦都只能三下
然後立即擦勻全身,監房地方無洗頭液,所以洗頭,都係靠梘液
係男人既,都有個習慣,沖涼先重點清洗既部位,一定會係下體先
黎到沙咀,我地全部人都唔例外,更何況時間有限,如果因為沖涼時間唔夠,而搞到身體上出毛病的話,你點都唔會想賓周出事先.
但問題來了,咁撚多排頭,咁係沖涼既時候,我可唔可以屙尿呢?
最衰係,我又唔好意思問.
然後,意外到了

B座門外響起雜音
「全部停筍 !」
「腰挺直 ! 入面既人全部擰返轉身,唔好再沖啊!殺到!」
「Yes sir !」
秋sir第一次表現出緊張同嚴肅
佢帶上了懲教帽,在沖涼房門口立正
原來係殺到
屌呢個時候都可以殺到
我地都知道殺到,係唔衰得的
完美既立正姿勢係一定唔會衰
所以縱使無穿衣物,全身光脫脫,身上仲有泡既時候
我地都轉返身立正
跟住個moment,屌我記住到宜家
原來沖涼既時候,係的確可以屙尿的

點解我知既?
因為斜對面既武傑仲屙緊尿
但係殺到要立正,面對面企返好,唔比再郁

但係屙尿點停啊?
所以,佢對撚住我呢邊三個人屙 !!
屌! ! 屌! ! 屌! !
黃澄澄既尿柱就咁樣肆無忌憚地射在正面的阿壯膝頭哥到,然後飛濺到兩旁

我都feel到啲尿彈左係我身到
我屌.好撚ON9啊!
我同阿壯加一個被彈到既YA新人組學童,一齊用"屌你老母你屙撚完未啊"既眼神怒睥個死仆街
然後,仲要我地大家都feel到武傑加大膀胱力度,激屙曬啲尿液出黎
因為我地都想象唔到,如果殺到既長官阿sir見到呢幕,會點.
但係...真係有淚申不得.
秋sir向門外敬了禮
「Good morning sir ! B座新人組 Recall 人數11 all correct sir !」
然後秋sir轉頭向我地嗌
「值日官巡視,有要求投訴舉手!」
「Good morning sir ! Thank you sir !」

我們大聲給予回應
然後個主任就行到門口,望左望我地
「咦? 沖涼啊?」

個總主任問呢句真係好撚ON9,唔通我地係到群P咩
「Yes sir ,佢地岩岩上完PE,宜家安排沖緊涼」
「誒,咁繼續沖涼啦,我出去先啦」
「Yes sir ,新人組繼續沖涼!」
「Good morning sir Thank you sir」
我地眾人連忙轉身,拼命地想洗走被淋到的地方
事後就當然屌到佢仆街啦.
笑還笑,但入面其實都有gay moment嫁
搞到我宜家都有啲抗拒同人一齊沖涼


呢個算係趣事之一啦
屌撚完武傑
我地食埋晚飯,飲完奶(阿壯都係最後一名)

入倉
終於又一個夜晚
但阿勇,已經唔係昨日既阿勇
我知道
未係時候休息
「喂,今朝你玩野wor 」

阿勇開始兇我
唉..
點過?