右班既人物,大致都介紹得差不多了

那麼左班呢?

攞左走期既阿勇講過

左班其實無咁巴

但經過我呢半個月觀察, 我覺得都係睇阿sir多





而唔係單純地睇邊一班帶

就好似我地S右班,阿爸角色(正)係戈sir

阿媽角色(副), 就係君實sir

而左班既阿爸角色(正),就叫朱sir

另一個阿媽角色(副), 就係勁sir





咁朱sir同勁sir巴唔巴呢?

呵呵

還記得, 第一次見到呢兩位阿sir既時候, 就已經覺得好古怪

古怪既唔係朱sir

而係勁sir





勁sir帶左遮陽鏡既樣, 有著一股出去行既莫名霸氣同古惑feel

真係好奇怪,佢係唯一個著左懲教軍裝,而又可以著出古惑味道既阿sir

相反朱sir就係有近視帶眼鏡, 一副有家室的男人既感覺

但始終,懲教係佢地份工, 而沙咀係佢地既環頭

所以兩個都有阿sir既氣勢和風範,點都會讓我地產生敬畏

就講一日得勁sir帶我地既一天吧

接完更後, 返回A座

由於我係第一次見到勁sir





所以都要做自我介紹, 預備被收數果part嫁啦

但都算係第一次,

我第一次同阿sir做自我介紹既時候,竟然無話要收數

不過勁sir卻在問題上刁難我,不對,更加更加似整蠱我

「你係唔係堅嫁? 隔離J仔好危險喎咁樣, 有無證據證明下啊 ? 」

「Sorry sir ..」

勁sir呢番說話,帶著整蠱既氣味,令我諗起右班個老頑童虎sir





但係證據,我點比啊? 唔通要我宜家對住AV打飛機?

不過, 勁sir笑住講左個更加勁爆既證明方法

「都係唔好了, 喂有無人知邊個J仔最靚仔啊? 捉佢過黎跟住除曬你地兩個既衫, 拿如果你扯旗既話, 你就同啊 阿渲一起係B座訓,好無 ? 」
呢個方法頓時獲得大棚拍手叫好, 起碼啲高年班和應得很積極,而勁sir都好高興

「Sorry sir ..」
哎,明知佢玩野嫁啦,但我都覺得難堪

而且旁邊既高年班, 都開始講話邊個邊個J仔最靚仔

又係一個被人圍住講既場面.不好受但又無得避

最後勁sir都係講笑般放過左我





但不得不說, 佢返工帶我們既時候,總有股玩既氣氛圍住

只有你識做的話, 勁sir帶隊既果日,其實都唔會話操得太強勁,

因為勁sir帶隊的模式,就係餅到某個鐘數,然後帶我地出去操

佢有佢既一套宗旨,而且真係好簡單
「你地聽話識做既,咁我就會識做, 你地搞事唔聽話既, 咁我就唔會比你地舒服嫁啦」

而高年班既人,通常都具備左啲講野擦鞋既技巧, 所以在倉內餅既時候, 高年班通常都會逗勁sir吹水吹得好開心,變相地我地就唔使出去曬太陽, 操步操

不過下午既時間,點都要出去操一次既,

因為每日既下午2時至3時, 主任以上級別既阿sir一定會過黎巡視一次





所以我地就必須在這之前, 出到去A座既空地外擺出樣子

右班就會係呢個時候操到仆街嫁啦

左班則算例行公事, 但勁sir有陣時都好中意同我地玩野

總言之,佢就係個古惑而又喜歡玩既阿sir

就黎殺到, 我地都開始回復狀態, 企定定等殺到

然後, 總主任和主任都來到A座前面, 我們遠遠地大聲問好

「總主任巡視! 有要求投訴舉手 ! !」

勁sir一早帶上帽, 進入返工狀態

「good afternoon sir !」

我地雙手夾腿,眼望前方,緊張地閉氣預備比總主任經過

總主任開始經過隊伍, 當他走到我面前時, 我盡力不和佢有眼神接觸

佢快速望了望我全身上下,然後走過了我

很好, 無事發生

當總主任望曬成個team後, 我地都在心中舒了口氣

呼~~

「喂, 阿sir講野你望乜野啊? !」
總主任無端端,對某個人開了聲

「Sorry sir ! !」
我地S既一個一年班立即踎低舉起手

我記得, 佢叫阿藍

帶著眼鏡,高高瘦瘦,有種潺弱既神態

而佢宜家既神情,變得好撚驚

因為好明顯佢宜家衰左, 仲要衰係總主任殺到

「你咩事啊黃子藍? !」
一向鍾意叫我地花名既勁sir過了來責問道

「巡視既時候唔比周圍望嫁嘛 ! ! 你唔知既咩! ?」
旁邊既主任立即加把嘴屌道

「阿勁, 你要好好教下班細」
總主任拍了拍勁sir既膊頭,然後走遠,繼續去旁邊既J巡視

「起返身 !」
勁sir狠狠叫道

阿藍亦都照做

等到殺到完後

勁sir收回了笑既表情,帶著怒氣說
「全部入返黎先」

我們重回A座

「喂, 企出黎啦,自動自覺」

「Yes sir ...」
阿藍一副死狗樣,行出了大廳,預備被審

勁sir點起一支薄萬,吐著白霧,然後抬起雙腳交叉放在台上,十足十一個分陀幫主咁

「講野啦, 做乜鳩衰啊? 」
勁sir無正視佢,問道

「Sorry sir, 同sir報,我真係無望...」
阿藍委屈說道

「你仲撐啊? 但係總主任見到話你望喎, 姐係總主任睇錯, 係佢唔啱啦係咪? 」
勁sir吐出一口煙後說道

旁邊的牌版亦都捧著煙灰兜接住煙灰,活像皇上身邊的太監

「Sorry sir....」

再多的解釋, 都無用, 因為佢已經衰左

「咁點算啊, 你又話無, 但你又衰撚左搞到我比總主任照肺, 咁姐係你地平時太懶散過得太舒服啦? 」
這番說話,立即讓成個大棚沉左沉

高年班既人立即拋了不滿和眼色過去阿藍果邊

「Thank you sir 唔該同學 認 !」

突然

勁sir身後既牌板阿峰說道

「喂阿峰,無叫你講野wor」
勁sir不滿

「Sorry sir」
阿峰回應

氣氛停頓了一下

「 喂阿藍, 係唔係真係無望啊?」
勁sir繼續問道, 聽語氣,這亦都係最後一次問

阿峰在勁sir身後不斷投射威脅眼神,叫你認!

阿藍終於,做出決定

「Sorry sir..同sir報我有望...」

「咁姐係招啦,嗯.......你有無食過狗飯啊 ?」
勁sir隨即說

「同sir報....無」
阿藍語帶喪氣和不甘,說道

「咁你今晚試下啦, 同埋今日全日同我踎係到. 行路都係,要躝住行」

「Yes sir ...」
阿藍接受佢既懲罰

我則在心中不忍.因為頭先既懲罰, 踎同躝真係好撚巴

佢雙腳一定會痛苦到仆街

但狗飯,係咩呢? 我都未見過

不過,到了晚上那餐飯,我終於見識到

我們入了飯堂

阿藍則拎完飯同餐具之後,然後在飯枱另一側,皇帝路上將飯擺在地下

隨後整個人都踎係飯碟既前面,而餐具什麼的,都無得用

一講完開餐, 由於無得用餐具,

所以一定要成個人好似狗一般趴在地上去食面前既果兜飯

用人既身份,狗既姿勢去食飯

難怪, 呢個叫狗飯

因為真係同做狗無異

我實在想象唔到, 如果我趴左落去咁樣食飯, 我會點諗

但我真係唔想試

係出面,睇人仆街會開心

但係入面呢到, 我睇到人仆街, 我唔會開心,反而告誡自己,小心唔好仆街

不過,事實上阿藍都算選擇正確, 因為佢選唔陀衰大棚

呢個就係我第一次見到勁sir帶S既一日

隨後回到倉內,

又係加操的,特別照顧的體能訓練折磨我

夜晚過後,第二日既早上

原來勁sir連Check房, 都Check得特別唔同

唔係話佢,Check房果陣捉既位唔同

而係佢既懲罰方法

其他阿sir或者會找數,找體能,佢就會搞更多古靈精怪,但你又覺得巴既方法

「全部同我停筍 ! 同我聽住! 等陣Check房,如果我唔滿意既,就同我即刻出去空地跑二十圈先好返黎.唔比講數啊!」

二十圈跑空地其實唔巴

但巴就巴在呢個命令,

係係凌晨的大嶼山,只有十度左右既天氣發出的

所以如果佢唔滿意, 我地就要著住底褲, 赤腳跑佈滿石仔既空地二十圈

「Good morning sir good morning sir !」

勁sir終於Check到我既床前, 檢查作品

「出去跑 !」
佢毫不猶豫說

「Yes sir ..」
屌, 比佢秒殺左

所以到最後, 我都係試過著住底褲, 赤腳跑佈滿石仔既空地二十圈既滋味

凍撚到鳩都縮埋,天都未亮既天氣, 一班赤膊赤腳的後生仔在空地上跑圈既畫面
都算係沙咀獨特一幕

宜家諗返, 其實天氣凍, 又有咩好怕喎

將時間拉後少少,

就黎到聖誕, 夜晚我地在倉內都會興奮討論聖誕既話題,同果餐即將食到既雞脾

而係聖誕前既幾日, 我終於收到一封來自我個Friend寄比我既信

果日,我知道佢寄信比我既時候,真係超級開心

因為係遇難之時收到兄弟寄來既信, 你真係會覺得這是友情的證明之一

不過到了夜晚戈sir派信之時, 我先知到奶野