屍殺大廈: Ch.13
翌日，我們圍着啊文坐，啊文依然被綁實。但他面色不如昨日。現在的他是面青口唇白，好大的陰氣，頸上有紫色的血脈。
「佢挨唔到啦……要殺咗佢……」達叔說
「話咗架啦」肥雪不耐煩
「咁……邊個殺……」小纓問「不如放佢走……話晒佢都救過我哋一次……」
「放咗佢咪又係死……只不過係變咗隻殭屍……然後襲擊我哋」坤仔說
他這番話令我感到驚訝。估唔到坤仔會講啲咁嘅嘢，睇嚟……佢變咗…
「我哋……投票決定……邊個殺」達叔說
「唔洗…一人桶一刀!」肥雪說「我先！」
真係唔知點解肥雪要提議一人桶一刀……唔通呢個就係人性嘅真面目？
肥雪走到啊文面前，毫不猶豫地把刀刺在啊文的大髀上
「啊啊啊啊啊啊…………哈哈哈哈哈哈哈哈！殺咗我啦！哈哈哈哈哈哈哈哈哈哈！」啊文不受控制
「痴線！」肥雪退後「到你！」他把刀遞給坤仔
坤仔的眼神已經變了，在不是原本的他，也許這才是真正的他。他拿起刀，眼神充滿恐懼但有想動手殺啊文
他慢慢地行到啊文面前
「死 gay 佬！」坤仔揮起小刀，插再啊文的膊頭上
今次啊文沒有大叫，只是用充滿憤怒和淚光的眼神望着坤仔。
然後，坤仔把刀傳給師奶
「插邊到？」師奶問
「你自己話事」肥雪說
「哦…」師奶行到啊文面前「哥仔……你係咪 gay 架？」
啊文點頭
「唉！如果我係你啊媽我真係唔會認你做仔」語畢，師奶立即把刀插在啊文的男人最痛的地方
「啊啊啊啊啊！嗚嗚嗚嗚……」啊文從櫈上跌落地，躺在地上
「師奶……我俾……俾個 like 你……」肥雪吞了吞口水，手慢慢地放在上半身與下本身之間的位置
師奶便把刀交給小纓，小纓怯生生地接，望了我一眼。
從她的眼神，便知道她根本不想這樣做，但事到如今，沒有第二條路可選擇，否則分分鐘死的不是啊文…而是大家。
呢到根本就係一個弱肉強食嘅世界，邊個強就跟邊個，冇話幫邊個，因為…跟住強果邊，先可以生存。義氣？冇咗N年啦 !
我便拿小纓手上的刀。我不想她有什麼後悔之情，而且她是個女孩，因此我來代替她。
「啊文……永別！」我拿起刀，二話不說便將刀插在他的天靈蓋上
啊文就是這樣躺在地上，眼開著，流下最後一滴眼淚，面帶著恐怖的笑容。
「好啦……搞掂啦……四眼仔！擺幾舊生果，插枝香上去啦……」達叔打破了那刻的寧靜「整完之後，我哋行啦！」
「又去邊啊？」我問
「唔通你想同條屍一齊瞓啊？」肥雪說「去搵第二個單位啊！」
啲人話要活得精彩，先叫生活……咁我依家嘅處境又算唔算精彩呢。有殭屍、殺人，係爭飛機大爆炸未有啫。真心個句，我想走……