屍殺大廈: Ch.14
就係咁，我哋落咗3層，留喺一個貨倉入面。
當大家熟睡時，我又失眠，躺在貨櫃上，望着天花板，幻想自己正在看星。
突然我聽到腳步聲，我落地，走到貨倉門前。我走出貨倉，走廊漆黑一片……
「又係你啊……靚仔」突然後面傳來一把聲，嚇了一跳
「邊個？！」我問「把聲咁熟口面嘅？」
「我同你講...過兩日就係關乎你走唔走到嘅日子，所以你唔可以死……」那人說
「係神秘人！」我肯定了他的身份「你又知過兩日就可以走？」
「總之你唔可以死……因為你係出去嘅唯一嘅希望！」
「我唔明？即係點？………」我問，但神秘人無再答應
我回到貨倉，腦海不斷重播剛才神秘人所說的話。
我係出去嘅唯一希望？會唔會太 Hollywood feel 啊？唔通個個故事都係BBQ大團圓結局咩？我又憑咩係關鍵之一？諗到頭都痕……
爲了分散自己的注意力，我便拿出電話，出奇地還能使用，所以話 Samsung 永遠是最好的，跌極都唔難，有 Nokia 的後裔之稱。
我打開電話，發現有幾個留言，但係又冇電話號碼顯示。我冇理，直接聽段留言。
『喂……你可能唔知我係邊個，但係我哋見個幾次。我只係想同你講，件事唔係你咁諗……你要生存落去，先可以走得出呢個地獄……記住……要小心你身邊嘅人……因為…………』
『嘟嘟』
「咩事？？」我感到奇怪「屌！冇反應嘅？！」「屌！次次到最重要個下先嚟冇電！Samsung 廢嘅！」
唔通呢度嘅人真係自己為自己？我唔信，起碼達叔同小纓唔係咁嘅人……
其實喺呢個moment係好舒服……再冇人聲車聲，再冇咩政治鬥爭，再冇一班為咗有飽飯食而博老命去打工嘅上班族。哩刻嘅寧靜，相信香港都冇咩地方可以感受到。
人就係咁，心入面有好多矛盾位，想走出嚟，但又唔想出返去面對現實。咁究竟呢幢大廈係天堂定地獄？
「喂…」突然後面有人輕輕地拍我膊頭
我回頭望「小纓？」
「你喺到做咩啊？」她坐在我旁邊
「冇啊……瞓唔着咋嘛」
「係呢……你幾多歲？」她問
「我……我23歲……」我並不知道這問題有甚麼作用，但禮貌上都答她
「咦！咁咪同我一樣」她笑着
就係個刻，成個世界都好似turn on 咗慢動作mode 咁，小纓就好似仙女下凡咁，成身都畀聖光圍住。得一句可以表達我嘅心聲『喜歡你 那雙眼動人 笑聲更迷人』……
「咁……你有冇女朋友？」她問
「冇…冇…冇」我變得口啞啞
「哈哈…唔洗咁緊張喎」她笑
然後，小纓站了起來。原本她只想落地，但她一不留神跌倒了……便撲在我的身上。整個畫面就是女上男下，躺在貨櫃上。
我的心跳得十分快，與此同時小纓的心也跳得十分快。腦海變得一片空白。
「冇事呀嘛？」我問，然後慢慢地推開小纓
「冇事……好舒服」她攬實我
我並無作出甚麼反應……
「其實我第一眼見到你，就已經對你有小小好感……你畀我一種好溫暖嘅感覺。」
我呆了……
然後小纓慢慢地將她的櫻桃小嘴吻在我的嘴上。就是這樣，口水和口水交換的動作又重現，但是是一男一女進行的。然之後18+ 嘅畫面都隨著出現。
喺痛苦之中帶出甜蜜，可能連個天都叫我休息下。
但係事實……並唔係咁…