屍殺大廈: Ch.22 結局(1)
爆炸之後，四周圍都係煙灰，但係四周圍嘅人都唔見晒。
我起身，眼見有一群人圍住，我行過去發現佢哋圍住嘅竟然係我條屍。而圍住嘅人竟然係達叔、肥雪、小纓、師奶、啊文、啊迪、神父同埋教主，佢哋都係面青口唇白。
我就企喺佢哋後面
「雪！叫咗你唔好玩咁大架啦……搞到人死都死得咁樣衰」達叔說
「你唔話個女人？同條友上床喎」肥雪指着小纓
「做咩啊？妒忌呀？佢都冇料到嘅！」小纓說
「我唔理啊 ! 佢插過你……咁呢個肉體你要囉 !」啊文說
「你癡咗邊條筋啊！我寧願做鬼啊 ! 」小纓說
聽到呢句，我先發現自己原來變咗隻鬼魂...
「咁其他人呢？邊個要呢個肉體啊？」神父問
「睇佢個樣，都係一世行衰運架喇……上佢身，自己攞嚟衰架咋…算啦」師奶說
畀人睇死已經算啦，依家連鬼都睇死我，我諗諗下我死都冇用架啦，不如……
「各位…」我舉手「我可唔可以要返自己個肉體」他們回頭一看
「隨便」肥雪遞手
死都冇用，不如就生存返，浪費下人生。爲咗生活，打份唔鐘意嘅工，但係又有高薪厚職。望住其他巴打絲打每日返工行屍走肉咁，不如都融入佢哋，做返隻人唔似人，鬼唔似鬼，殭屍唔似殭屍嘅打工仔算數。