屍殺大廈: Ch.22 結局(2)
我一開眼，眼前竟然係達叔同華叔...
「啊命呢？」我問「我唔係落咗咒架咩？點解依家冇事……」
「纓……你昏迷咗幾日啦」達叔倒抽一口涼氣
「你條仔為咗救你……願意一命換一命」華叔解釋
就喺個刻，眼淚奪眶而出...
「你講緊咩！啊命喺邊啊！啊命……命……我感覺到佢喺到㗎！」我大哭
「你畀你啊爸落咗咒，搞到你靈氣缺少……啊命……佢為咗救你…佢願意用佢自己啲靈氣，去令你生存…」華叔低着頭
我繼續哭
「你感覺到佢，因為佢嘅靈氣…喺你體內……之後你可能會有啲你毫無印象嘅記憶…因為啲記憶係啊命嘅……」華叔解釋
「佢好硬頸，佢堅持要咁樣做」達叔說「你唞下啦……」
「你保重啦！」華叔說「我哋喺時候隱世……你想唔想我消除你嘅記憶？」他問
「唔洗……我想永遠都記住啊命……」我說，眼淚繼續流着
「係喇…呢度有封信…係啊命叫我畀你架…」達叔遞了那信給我「我哋走喇！」
達叔和華叔走了之後，我便打開信封。眼淚又再洶湧而出……
親愛的小纓：
我諗神父佢已經同咗你講發生咩事。係…係我衰仔，搞到你孤零零自己一個生活。但係你仲有時間，大把青春，唔好記住我啦……你要搵個錫你嘅男仔。你要幸福快樂咁生活，忘記過去啦。我哋下世有緣嘅話……再做情侶啦！永別喇！