最後一單大茶飯-修訂版: 第十回-夕陽共醉

某日，夕陽。
J神突然拎住一大瓶啤酒，邀我共醉。
                                                          
「喂，底褲佬，同我一齊飲。」
 
咁岩，其他人都有野做返咗市區，只靜番我同偽毒j神。
 
「做咩咁突然請我飲酒？」我問。
「自己飲酒，覺得好無feel。」佢講完依句，遞咗枝酒比我。
 




「我係直既。」
「Hi，你重唔飲我真係當你係gay既。」
 
我飲咗一大口。
黃色既液體，苦澀既味道，包含係入面既氣體，不斷係到刺激我既喉嚨。
 
好爽快。
 
我又遞番枝酒比佢。
 




佢又係好大啖。
 
「你覺得小張會唔會鍾意我？」
 
要知道男女之情既野，我並不擅長。
 
但既然佢咁難得請我飲酒，我點都要同佢吹兩嘴。
 
「會。」
聽到依個回答。




J神朗聲大笑。
 
佢既笑聲，係依個無人既草原，迴響住。
 
「唔好扼我啦。」
 
「好似小張d咁既女神，點會愛上我依種人。」
J神把嘴係到講禁不停。
 
「我由小就比人玩，我問佢地點解，佢地話我樣好毒，就忍唔住要玩我。」
「係果一剎那，我決定住，我唔要再比人玩。我要做玩人果個。」
「跟住我做住古惑仔…踏上一條不歸路。」
 
「但當我見到小張，我想番轉頭，重新黎過。我既內心已經被淨化……。」
 




「你明唔明我既感受啫？」
 
依個時候，地上已經出現咗無數既空酒樽。
 
「我緊係明啦。」
「你唔明。」
 
J神塊面成個紅蘋果咁樣。
我都feel到自己塊面有d發熱。
 
「我好怕死。」
「我好驚死個陣，小張望住我既表情，會好失望。」
 
「依d有咩所謂姐，則使我釘咗，我一樣可以登報紙，名留千古，點都可以風光一些。」「人地會記住我係一個刻刻有名既賊，而唔係一個淨係識老笠人地底褲既賊。」
 




「………」
J神並無回應我既岩岩發出既一篇偉論。
係皎潔既月光下，
佢已經醉睡咗。
而我都醉睡去。
「哇。」
「你地做咩訓埋一齊？」朦朧中我好似聽到搞屎雄把聲。
 
「哇。」
「你地誤會咗啦。」我又好似聽到J神比聲。
 
「我地飲醉咗咋。」
「喂，底褲佬快d起身。」有人係地猛咁推我，搞到我醒咗。
 
「做咩呀？」我問。




 
「同佢到解釋下。」
 
「嘩。」
「做咩，唔著衫？」
 
「唔係呀，我琴日訓到半夜，覺得好熱味除晒d衫囉。」
 
「哦，原來係咁，咁無野囉。」
 
「呼，好彩，小張唔係到姐。」
 
「仲講，好d著番d衫啦。」
 
「好好好……。」




 
自此之後，我同J神成為咗好兄弟。


----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html