我地好鍾意係到鬥槍。
 
「睇住黎啦,今次我唔會輸比你既啦。」
「哼,邊有佢易比你贏到。」
 
叮叮噹噹,一大堆無辜既罐頭,被子彈穿過。
 
「啦,今次我真係贏左你啦。」
「你好彩啫。」





「你地幾時變得咁fd?」搞屎雄講。
「唔通上次你地真係…。」
「Hi,係到講咩。」我同J神異口同聲。
 
「仲話唔係,講樣都一模一樣。」
「唔係你地身心一致,點解釋呀?」
 
正當我想反駁佢既時候,
小張出現咗。
 




「雄哥,咪為難佢地啦。」


「上次之不過係誤會啫。」


 「佢地依家唔錯呀,係到互相競爭,槍法仲越黎越好。」
 
「既然小張咁幫講好說法,我就暫且唔為難你地啦。」
跟住,佢就唔知行左去邊度hea。




 
 
細心觀察發現,今日小張既打扮好唔同。
 
並唔係皎潔不染既蓮花打扮,而係一身漆黑,恍如沒有星際既夜空。
 
「小張,你今日既打扮咁唔同既。」
J神當然亦有留意到。
 
「今日,係我老竇既死忌。」
「下,原來今日係你老竇死忌,我都唔知添。」
 
今日係12月6日。
我對依個日子有說不出既熟悉。
 




小張係姓張既,咁老竇應該都係姓張既。
 
「小張,容我問一個唐突既問題。」
「你問呀。」小張溫柔咁微笑。
 
「你老竇係唔係大富豪?」
「下,你點知我老竇花名既。」
 
「果然,你老竇就係張子強。」
 
我感到好驚訝,原來搞屎雄所講既水魚係大名鼎鼎既張子強又名大富豪個女。
 
「我都唔知張子強有一個女添。」
 
「當年我老竇被大陸d公安捉咗去。」




「我阿媽幾經轉輾,係佢比人判死刑之前去見佢。」
 
「佢同阿媽講,我大富豪有咩做唔出呀?李嘉誠用一個月賺番黎既錢我用一日就攞到。」
 
「而家,比人判死刑。我點會就咁就甘心啦。」
 
「叫阿女以後要做單勁既。」
 
「講完之後,佢就比人拎咗去槍決。」
 
「所以你想實行佢既遺願?」
「無錯。」小張用一把堅強既語氣。
 
我諗小張依刻心已決,無意回頭,一心只係到想幫自己老竇。
 




半晌,只聽到J神係到喊。
 
「你無事呀?」小張問。
 
「無,我只係覺得今時今日,原來仲有好似小張咁孝順既女仔。我覺得好感動。」
 
「依d只係我既份內事啫。」
 
「小張,你將來一定係一個好好既妻子。」
講完依句,J神放低手上把槍。右腳跪落黎。
 
「小張,你將來可唔可以嫁比我?」
 
J神真係同依前般若兩人。
 




以前既佢,毫無自信,身材瘦削。
而家既佢,有自信,手腎亦因長期練槍既關係,而練出一隻老鼠仔出黎。
 
究竟佢既內心經歷左幾大既翻滾呢,依野樣真係要諸位自行想像先得啦。
 
講返現況,
小張竟然無比佢嚇親。
 
反而好淡定咁同J神講︰「好呀,但要等到今次完左事先。」
 
我唔知可以話小張真係一朵咩都唔介意既小蓮花,定只係為左唔傷害到J神先咁樣講。
 
J神依家既表情,真係介乎於生死之間,欲生欲死,或俗d講爽到死。
 
「一言為定。」J神眼神炯炯。
 
小張亦以笑回望佢。
 
睇到依幕,我身為一個風度翩翩既底褲佬,都忍唔住打咗個冷顫。


----------------------------------------------------------------------------------------------------------------
植入式作者的話:
小弟平生無咩叻,最叻係道FFd故仔,
如果鍾意我既作品,歡迎黎我既專頁 ​
https://www.facebook.com/graylittledog/ 
比我一個Like,比我知道你既支持,比我有更大既動力去創作。

想睇我其他作品,或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html