貨車隨住路上既凹凸而搖曳,光影掠進,又逝去,不斷交替。
車上每人既表情係光影既映照下都帶住獨特既抱負。
 
有既係為咗實現父之遺願,有既為住自己女神,有既係為咗忠義,而我當然係為咗名譽,但係依D不同既抱負下,缺乏咗一個野心勃勃既老屎忽。
 
我忍唔住打破沉默問︰「一大早出發,到依家都未見到搞屎雄,佢去咗邊度?」
 
揸緊車既古明華就講︰「唔洗擔心,雄哥一大早就去咗食大茶飯既地方去把風。」
「原來係咁。」
 




「其實我地到底去邊度食大茶飯?」J神問。
「到咗你就知啦。」
 
唔知點解,J神今日既表情特別青白。
「你無事呀?」我拍下佢肩膀想安撫下佢。
 
 
 
 
「無,為左我既女神,我點會有事。」




J神講依句既時候特別大聲,應該係想講比小張聽,
 
小張笑而不語。
依D真係收兵既最高境界。
 
半晌,車停咗落黎。
 
「我地依加等雄哥指示。」古明華講。
 
往窗外一睇,係一座好靚既建築物,全身都係白色,仲要有落地玻璃,但我可以肯定佢唔係金鋪,因為我從來未見過金鋪上面會有一舊比人食左一啖既蘋果。




 
「我地去食蘋果?」
J神話。
 
依個時候,我聽到電話「滋滋」既震動聲音。
 
「喂,雄哥?」
 
無幾秒,古明華就收咗線。
 
「行動啦。」
 
我地各自拎出一個紙皮面具,而每一個面具既正面都印上一個賊界既代表,小張係張子強,古明華係季炳雄,我係葉繼歡。
 
J神就話自己鍾意梁朝偉,所以就貼咗梁朝偉上去。




 
跟住,我地戴上古明華比既耳機。
 
「試咪,試咪,一、二、三、三、二、一。」
耳機入面傳出一把蒼老既聲音,無錯就係搞屎雄既聲音。
 
「聽唔聽到?聽到講聲Hi。」
我地異口同聲講咗聲Hi。
 
「好啦,我地今日既大茶飯計劃依家正式開始,我地大茶飯既地點就係眼前既蘋果店。」
 
「依加先檢查自己d炮解晒保險未?」
 
車廂內發出咔嚓、咔嚓既槍械聲音,每枝都係可以奪人命之物。
 




「ok。」
 
「咁樣照計劃開始啦,J神你先出馬先,跟住其他人慢慢跟係佢後面,古明華開住車係附近兜下圈先。」搞屎雄清晰地下指示。
 
J神聽到後戴上面具,打開車門先行衝咗入去,
其他人散開慢慢係人群中跟住佢,古明華開走咗部車。
 
本身J神帶住一個梁朝偉面具已經十分引人注目,
佢入到個蘋果店之後,大把人圍住佢,可能真係以為佢係梁朝偉都唔假。
 
「我有個i,我有部phone,嗯,i-phone。」佢開始係到做一點奇怪野,但其他人又係到喝采,真係唔明依加個世界點運作既。
 
愚蠢既路人繼續係道睇J神表演,手上都係一部被刻上比人咬咗一啖既蘋果手機,
並唔知道等等要發生既係轟動社會既大事。






----------------------------------------------------------------------------------------------------------------

植入式作者的話:
小弟平生無咩叻,最叻係道FFd故仔,
如果鍾意我既作品,歡迎黎我既專頁 ​
https://www.facebook.com/graylittledog/ 
比我一個Like,比我知道你既支持,比我有更大既動力去創作。

想睇我其他作品,或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html