【忍左好耐】【包包】某女歌星和我的一霎光輝: 【四.四】
【四.四】
果一晚之後, 我開始慢慢聽番佢隻碟
可以咁講, 雖然我同左佢一齊咁耐.
但我都只係係背後聽佢既歌.
今次用MP3黎聽.
感覺好特別
雖然聲音黎得好近
但我同佢既感覺黎得最遠
令我意外既係係其中一隻英文歌.
我估唔到佢唱英文歌都唱得咁好.
其實雖然我英文唔係好叻
要查下字典先明白
但我好想好想知道
A先生講既係咪真
呢首歌到底係咪佢為我而作?
我鼓起勇氣拎起電話
打俾一個我好想又好怕打俾既人.
電話接通左., 但把聲係一個男人既
我: 喂, 你係邊個.
X : 我知你係邊個., 呢段時間仲搞到佢唔夠煩唔夠衰.?
我.:你係邊個請問.?
X :我係邊個唔重要. 最重要係你唔好再煩佢.
我: 之前可能係有D咩誤會, 但呢家我明白佢果時既心情. 你比我一次同佢解釋既機會LA
X : 佢都唔想見到你啦仆街, 你以為你咁對佢佢仲會采你,?人地呢家紅左你就搵番人, 你攀得起佢咩, 傻仔, 你根本唔應該同到佢一齊, 你邊方面好呀睇過, 我做你都唔敢行出街LA廢青.
我: 佢仲喜歡我, 你知道的
X:係又點, 佢呢家咁細個, 好易就鍾意其他人GA LA, 況且好過你既大撚把, 駛同你一齊,?
我: 對唔住, 原諒...
X原諒你,?你係邊個要我原諒你.?算撚數把LA, 當時妳放低左佢而走, 今日就唔好同我講後悔..
嘟...嘟...嘟
或者可能就係佢呢幾句, 令到我更加想搵番包包,
雖然我唔知頭先同我講緊野既人係邊個,
但我同佢傾完之後
我更加肯定包包仲係未放低我
問題係我點先搵番到包包.?
當時既我因為好耐都只係同包包一齊
又幫佢手之前
其實我都無咩朋友幫到我, 或者可以俾我意見
而就算有,
我亦唔會同佢地講我同包包既事,
所以我果時知道
得佢係唯一係我同包包既最後連繫
要搵番包包就要求佢
(續)