【忍左好耐】【包包】某女歌星和我的一霎光輝: 【四.五】

【四點五】

要搵果個唯一聯繫我同包包既人
仲要去求佢.
我千個不願萬個唔想.
因為我呢家搵番佢就等於我向佢認低威,
我可能係一個自尊心比較強既人
我由細個開始
我都唔會求人,
有咩事都係自己一個頂




有咩都係自己一個受哂.
但包包,
我可以講
包包係唯一真真正正會令我放低一切
佔據我一切既人.
為左再一次可以見到佢,
我願意求佢.
 
 
所以係之後果一日




我係電話度約左A先生
係佢果間學校CANTEEN度搵佢.
因為我覺得如果真係求人,.
面對面會好D
起碼可以睇到佢既面部表情
就算佢拒絕我都唔會咁直白
我約佢一點鐘晏就等.
 
我坐係果度間CANTEEN
周圍好多學生妹..只係佢地無著校服著便服




換轉係以前既我一定會狗衝,
會狗聊佢地,
但依家,
我只想聽住包包既英文歌
安安靜靜等A先生黎,
或者唔知幾時開始我就不停LOOP佢首歌.
每一次聽每一次都會心痛一下,
或者對自己殘忍
黎提醒自己既後悔同錯
 
估唔到同左包包一齊,
唔多唔少對其他女人少左好多興趣
或者係我眼中
所有其他女仔拍係包包隔離
都會變得平凡