【忍左好耐】【包包】某女歌星和我的一霎光輝: 【六.一】
【六.一】
曾經, 上去佢屋企係我好想做既事
曾經, 我更為左唔係名正言順見到佢屋企人而令大家分開
但今日, 我完全唔想上去見佢地
我驚我會自卑.
但係我唔可以俾佢地知
更加唔可以俾包包知.
上到去佢屋企門口
包包正想按鐘.
但係我比較驚
所以果時本能地將自己對手插入褲袋
或者包包見到我咁
即刻扯番我隻手出番黎
拖住我按鐘
開門既係一個細粒既女仔,
我見到佢果時霎眼間真係有D似包包
尤其對眼
我打左個招呼就同包包入左屋.
我同佢除左鞋之後
行每一步都好小心
驚會失禮
佢果時間屋唔係好大
但佈置得好有家既感覺
佢地已經放左棵聖誕樹係窗台
而且的的式式既唔同擺設, 好多好有
(反而呢家既屋大左, 但多左份冷清感覺)
佢偏廳中間有張算大既圓木桌
正廳特別既就係放左一D包包既相, 獎咁
佢地都放左係一個直立式既玻璃櫃到
其餘都無咩特別同普通屋企差唔多
三房兩廳咁
坐左係客廳梳發到既係一個上左年紀既男人
我望一望佢叫左一聲uncle
包包叫左佢呀爸
佢望一望我同包包
之後繼續坐係度睇佢既cctvb
之後包包帶左我去佢間房
佢間房大約有百幾尺到
一張4尺碌架床,
一個書台係張床下面
隔離既一個普通YAMAMA琴, CD架
同D SET死左既櫃
包包開著電腦
開始將佢個MP4機插去喇叭度播歌.
我一邊聽歌, 一邊睇下佢間房既細節.
我開始發覺佢同我都一樣
唔多執野
佢成個書台都係電線同琴譜
又充電線又電腦,
更有D唔知咩都無插既線,
問佢要黎仲咩
佢又話唔記得, 哈哈咁
叫佢扔左去又話有用
除左咁之外成幅`牆好多POSTER
我只係記得有BEATLES ,KISS
睇睇下慢慢聽佢播緊既歌.
係一個男人唱既國語歌
但D聲有D雜
應該係唱live中
但個男星把聲好特別
或者我少聽國語歌.
所以我就開始問
我:包包, 邊個唱緊.?
包包:你真係脫節ga wo, 佢叫符號減, 佢上年先係個比賽拎左冠軍, 今年又出專輯, 好紅LO呢家係直島
我: 符號減?有無叫符號加呀?聽個名都知唔多掂
包包:唔俾話佢, 佢算係我呢家好欣賞既人黎GA
我: 車好叻咩, 我同緊妳拍緊拖Tim la, 況且我緊係脫節啦, 我成世人只係聽你唱俾我, 為我作既歌之ma
包包: 傻瓜, 你呀只係識...
"kock, kock, kock"
"包包出黎食飯"
一把女人聲隔住包包房門穿過黎,
不但阻住左佢要同我講既野
更重要係
我知我就快要受審了.
.
.
.
.
.
.(續)