【忍左好耐】【包包】某女歌星和我的一霎光輝: 【六.二】
【六.二】
我同包包聽到把女人聲之後
大家都深呼吸一大啖.
之後佢幫我開門.
一打開門個情景係
一個大約都幾有住家感覺既女人,
一個頭先坐係梳及上睇電視既包包呀爸
同一個細路女
佢地圍住左張食飯枱坐,
剩餘既係兩個坐位俾我地
一坐落左幾秒,
無人出聲,又無人敢郁, 只係全部低頭
我果時都唔知佢地做咩
不過後來聽番原來係佢地其中既宗教儀式
但我果時全程都係ON99咁坐係度,
隔左好快佢地郁得番啦,
咁包包爸爸就嗌大家食飯啦
我一聽把聲就覺得好熟.
但係又唔記得係邊度聽過
始於近排發生左太多事,
個腦或者太敏感啦
包包就開始講野啦,
幫我逐一介紹佢地係邊個呀
叫咩名咁
我就同哂佢地每一個打多次招呼啦
好既就得佢呀媽會打下招呼
其他人全部已經開左飯
之後當然就介紹我出現
只係佢對我既稱呼都係朋友
或者佢唔好意思講掛
當我拎起對筷子時候
我只係諗住一樣野,
唔好問我咁撚多問題得唔得呀
但不幸既事通常一諗就會發生
當我爬第一啖飯既時候
未爬到落肚
佢呀爸已經開口問我
爸: 你叫咩名呀.?
(屌包包咪介紹左LO)
我: 我叫呀風, 呢家番緊預科
爸:我都無問你呢樣, 番邊間呀
我:XXX,係 XXX XX 中學
(我開始愈聽佢把聲愈覺得好熟)
爸:邊到黎?唉算,聽都未行聽過, 其實呢你呢家好忙wo應該, 仲咁得閒同我個女一齊.
我: 有時自己會分配到時間既
爸: 分配到?你係學校考到一舊舊咁都叫分配到?
(我已經疾左一疾, 點解佢知我成績既.?我望一望包包, 但只係見到包包掘住佢個妹)
我:我會努力ga 啦, 可能深左d野, 就study leave我會衝下佢
爸: 你讀完都唔知你做咩, 讀又讀唔好, 又要講愛情, 你其實有無d自知之明?你做到d咩可以攀到佢?A先生之前都話有個學位揸係手, 係就係佢間U差d, 起碼都會有下工做下之後, 而且佢又識音樂, 起碼都溝通到呀同包包.
(我已經唔知點出聲, 只係見佢其他人仲係咁自己食飯)
包包開如幫一幫:佢都識音樂ga, 之前佢彈吉他ga.
爸: 識又點, 就當佢識, 你真係諗清楚?如果俾出面d記者發現佢, 仲要係咁既款, 你覺得無問題?
我: 我會努力改善
包包:佢都話會改善啦, 不如食左飯先啦.涷ga 啦爸爸
(續)