【忍左好耐】【包包】某女歌星和我的一霎光輝: 【六.三】
【六.三】
當包包講完之後大家都無再出聲
然後既就係安靜既食飯.
安靜到連冷氣聲都聽到
或者係因為自己既心情好差
總係果一餐好難食
但我無怨
因為我自己的確很差
包包雖然果時唔係真係咁好樣
性格又唔係好好,
但我認識到佢已經好好運
所以我如果繼續要同佢一齊
我情願說服自己屈服
食完飯之後
佢呀爸爸叫左包包同佢呀媽入左去廚房
佢細妹就入番房
而我就坐係梳發度
望住d c9戲
我忽然睇到唔想走
唔係d戲好睇
我係希望睇住d戲可以分散到自己注意力
唔想面對番現實,
唔想面對佢地.
大約20分鐘到
佢地由廚房出番黎
佢呀爸之後叫左我入去
我心諗又有咩野要講我.
頭先仲未講夠我?
入到去佢地個廚房
佢爸爸挨住昇盆
企左係度開始同我講野
爸: 我唔理你對佢係真心定假意, 我亦知道你個廢青唔會做到d咩事, 但你知唔知佢真係好投入, 或者佢無同過你講, 好似你之前唔係佢身邊既時候你令到佢日日番到黎都發哂脾氣, 或者佢可能忙, 但係我知道唔多唔少因為你
我: 我對佢係真心, 我會改...
爸:我理得你係咪真心, 改唔改, 佢呢家仲係好投入. 仲之你係對佢好既醒目既就好離開佢, 我幫你作個故仔同佢講
我: 我唔會欺騙佢, 我何必要欺騙佢?
我唔需要你幫我作咩野故, 我同佢既事我處理到, 我係真心想同佢一齊
爸:你仲咁細講呢d講條春咩, 仲之我唔尻理你, 如果見到你同佢上左二周刊, 面子呀, 生果果d,你不但會累左佢, 我同你講我一定會令你好麻煩
我無再答到佢, 我轉頭就走開左.
我都唔知自己既果份勇氣係邊度黎
或者我果時真係喜歡包包
走番出去廳
果時都10點到,
我同包包講想早d走
雖然之後佢媽媽都有叫我留耐d
但我同左佢媽媽名佢細妹講左捌捌就走
我同帶番幅超既包包落番樓下
同佢去番個公園仔坐低傾下計
雖然我係拖住佢.
但感覺好沉重
包包:頭先爸爸同你講左咩, 你地好似講得唔係幾好,
我: 無, 你爸爸同我講叫我好d對你, 唔係唔放過我姐.
(我唔想好似特登離間佢地)
包包:其實佢地可能比較惡d咁, 但佢地都唔係太差既, 係呢, 你study leave , 考完AL差唔多到陪我去個trip啦, 我同左公司講要呢個時間, 特登就你ga
我: 好啦, 之前都應承過你既, 不過我又唔知係做咩角色姐.
包包:咪我PT assistant lo. 只係我地有d秘密關係之嘛, 傻瓜
我:好啦好啦, 你番番上去先啦, 難得有得抖下
包包: 早抖
我:早抖
大家之後互相擁吻左一下
雖然我擁有了佢.
但我既責任, 膊頭覺得好重好重.
(續)