《後備女友》(真人真事改編): Ch6

翻到屋企， 我成個人都神不守舍。腦海中不斷浮現同傑仔曖昧嘅畫面。先頭覺得好甜蜜好溫馨，到到而家反而覺得好嘔心，好核突。

唉。。。ptgf呢份工。。睇黎都係唔啱我㗎喇。

「 家姐， 翻黎喇？今日又靚左嘅？」 細佬一邊打機，一邊問我。

係喎唔記得介紹， 呢個係我既細佬，佢叫啊基。皮膚黑黑，算係高嘅，性格都係比較熱情嘅個d 人黎， 不過佢成日就好似唔在乎呢個家咁。

「咁好口，今次又咩事呀？ 等錢洗？」對左呢個衰仔咁多年，身為家姐嘅我一早就已經睇穿晒佢想點。





佢無啦啦失聲一笑，擺低部電腦，然後走埋黎話「 哇～家姐你又聰明左嘅？」

我扁一扁嘴，伸向褲袋攞銀包「 唉，無你咁好氣...要幾多呀」

細佬爽快咁答「200唔該」，我望住銀包只係剩番300 蚊，雖然有d心痛，但係都比左佢，始終佢都係我唯一既親人黎嘅...一手攞過錢，佢就番番入房，無再出過黎。

「 叮叮」 ，係傑仔既Whatsapp。

Whatsapp上面寫「 對唔住呀傻豬， 頭先係我衝動左， 唔應該咁嘅， 錢我會比番你，就聽日啦， 我地去番琴日個間coffee shop 好唔好？」





收到佢個msg之後，我心入面好矛盾，望下自己輕如白紙既銀包，又再次望下個短訊。

究竟...我應唔應該去呢？