《後備女友》(真人真事改編): Ch7

係我糾結緊到底去唔去個時，突然有個人「叮噹」

「細佬去開門啦」

「唔去啊，我打緊機唔得閒」

唉，呢個細佬一日打機打到黑，咁得閒就幫下手做家務啦。

然後我就拿拿臨走去開門，眼前嘅女人，既熟識又陌生，神情有d滄桑，乜原來係...「咦，啊媽你返黎啦？」





然後啊媽喊住咁同我講：「對唔住啊...我唔應該走左去唔理你地...我可唔可以入黎...返返呢個屋企？」

我非常之擔心咁講「啊媽...你入黎先慢慢講發生咩事啦」

我坐係張sofa度，好擔心咁問佢究竟發生左咩事，我知道啊媽應該係遇到d唔開心嘅事，所以就急急腳番黎。

「係呢 點解你會無啦啦返左黎嘅？」

「我比人呃左...佢正一衰人黎...你知唔知我為佢放棄晒所有野...但係我最後得到d乜？」d眼淚已經滴濕晒佢條褲，佢好激動咁講，我咁大個都未見過佢咁...





「唔緊要啦，你仲有呢個家啊」

係呢一刻，我竟然無嬲佢dum 低我地兩姐弟， 反而語重心長咁安慰身邊嘅啊媽。

佢突然企起身「嗯...我返房先」

係呢個時候，我發現到佢隻腳同手有好多嘅傷痕。我諗我已經知發生咩事啦...

呢排發生嘅所有事，都令我對男人有左新嘅睇法。唔會再輕易相信男人。





「媽咪，你呢排休息下，唔好返工啦，錢個方面我搞得掂唔駛擔心」

話就話搞得掂，但係養呢個衰仔其實d錢已經摱摱緊。依家仲要養多個。不過點都好，無理由唔理佢地架嘛。呀媽以前一個人照顧我地兩個都係咁，我都係時候照顧番佢地喇。

我望下𠎀仔條msg，然後嘆氣，唉。。。呢個迫不得已嘅情況下唯有係咁啦。

「好，不過我拎埋錢就走，以後同你無拖無欠」我好唔情願咁覆返佢Whatsapp，然後返入房休息。