《後備女友》(真人真事改編): Ch8

風和日麗，又係新既一日。

我打個喊露，係床上反覆左幾次，就下定決心，去見個衰人。唉， 為左養家，無辦法啦....

拿拿臨刷牙，換套校服，就即刻衝左落樓。

去到coffee shop之後，我一行入去， 我就見倒佢——傑仔， 今日嘅佢著住一件白色T shirt加件紅色格仔外套， 黑色嘅牛仔長褲，顯得佢好陽光，好靚仔。係呢一刻，我好似嬲唔落佢咁。

我即係拍下自己塊面「喂呀，清醒d啦啊詩，今日主要嘅目的係黎拎返d錢吖」





「 呀詩， 黎喇？我幫你叫左你最鍾意飲嘅咖啡吖」 傑仔擺出一個好燦爛嘅笑容。

講真，個下個心真係有d融化左嘅感覺。

「我真係無時間同你玩呀，你快d比番d 錢我啦」 我扮到好有氣勢咁同佢講。但其實我心入面係非常之怯。

佢慢慢係銀包攞左張支票，戚戚然咁擺落我隻手。

當我以為雨過天晴嘅時候， 我隻手竟然俾佢捉住左。想鬆手，但係完全唔夠佢大力， 無計可施。





「你做咩呀，放開我呀」我用盡力全身嘅力氣去整開佢隻手， 佢竟然越捉越大力。

「 無見你一日， 隻手滑左咁多嘅？」佢再次奸笑， 個樣笑淫淫咁。

心諗，點解佢同佢個外表反差可以咁大...

我嚇到咩都唔夠膽講，咁反而比左個機會佢越摸越上。直到摸到我手腕個時，就係個瞬間我嘅另一隻手比人捉住左， 然後拉左我出coffee shop，逃離魔掌。

「 小姐， 你無野呀嘛？ 啱啱我見你好似好驚咁， 又唔敢出聲，下次遇到呢d 情況就嗌救命啦， 唔好死頂。」 個男仔好溫柔咁講個，然後放開我隻手。





佢剪住一個all back比比鳥頭，眼大大，唔算係特別靚仔嘅，不過都幾陽光下， 瘦瘦地，身高大約175左右。

睇黎又係一個識花言巧語嘅男仔...

「唔該曬喎，不過我依家趕住返學，下次再傾啦」講完之後我就急急腳咁衝去巴士站度。

「 喂！小姐！喂！等等吖！」 個男仔追住我，不斷咁嗌。

因為就黎遲到所以無理到佢，然後我就拿拿臨搭車返學。