《後備女友》(真人真事改編): Ch12

「呢個數學project會佔30%。兩個人一組，公平起見，就由我呢個咁民主嘅老師黎抽籤決定啦」

呢個豬油膏成日都唔比我地自己組隊，不過都好嘅，今時今日嘅我咩朋友都無晒啦，無人會肯同我一組。所以抽籤對於我黎講係一個唔錯嘅決定。

時間過得真係快～話咁快就落堂lu～

Louis執緊d書個時發現個櫃桶有張紙仔。

上面寫住「多謝」。





然後佢走上前拍一拍我膊頭：「唔駛客氣喎。係呢，等陣去唔去圖書館做project吖？」

「你又知係我嘅？」

「我唔似你咁蠢囉，你去唔去姐？後日要交啦」

「好囉咁」我有d唔情願咁答應左佢。

去到圖書館，我地就即刻坐底趕份project。





講真，佢唔係學業好叻個d人黎。係間唔中有d小聰明咁囉。不過佢數學真係唔錯。相反，而我就係個數學白痴。

「你呢度應該係21038唔係21170啊，點解你咁都可以計錯架 哈哈哈」佢一路笑一路講。

「切，我無你咁叻啊數學大神」

係做project期間，你串下我，我串下你咁。我地仲有唔少嘅肢體碰撞添。

其實，同佢相處都幾輕鬆吖





話咁快就已經7點lu。

「一唔一齊去食野？」佢問。

「唔啦，我仲要返屋企照顧細佬同啊媽，下次啦。拜拜」講完，我轉身揮手就走左。

Louis輕輕講左一句：「切，又係咁。唉睇黎我係你心目中都無咩地位架啦。」


返到屋企，我就聞到好香嘅飯菜味。原來佢地已經坐晒係度等我開飯。

「啊媽～你整親隻手就唔好咁辛苦啦，第日呢d野交比我得架啦」

啊媽用一個好溫柔嘅笑容，同我講：「唔緊要啦，反正我係屋企又無野做，咪煮下飯咁囉。」





係呢個時候，我即刻睥住我隔離嘅細佬：「你又無幫手啦？」

佢心虛咁避開我嘅眼神，然後話：「咩喎...我要打機啊嘛。」

「打機重要d定啊媽重要d吖？你個衰仔再係咁嘅話咪怪我唔比零用錢你啊。哼」

佢扮晒知錯咁話：「家姐啊家姐，我知錯架啦，你比多次機會我啦，我下次一定會幫啊媽手架」

「聽住先啦。」

然後我地就好溫馨咁一家人食完呢餐飯。我真係好耐都無試過啦。

係家嘅味道。