《後備女友》(真人真事改編): Ch13

溫馨既時間過得特別快， 飯好快就已經食完，我同細佬洗完碗就好快快脆咁番左房，你有你快活， 我有我忙碌。

「叮」 電話突然響左一下， 係個唔識既人短訊我。上面寫住 「 喂！ 做緊咩呀😏」

我左估下，右估下， 乜水呀... 於是就覆左佢一句「 你係？.....🤔」呢個人惹起我好奇心。 佢打左個偷笑emoji 就無再講野。 應該係詐電話黎...於是我無再覆佢，繼續忙自己既功課。

話咁快又到左第二朝返學，我依舊係睡眼惺忪咁返學，嘉琪依然係唔理我， 唯一唔同嘅係我檯上擺左一份三文治，上面寫住我個名。我奇怪咁環顧四週， 個個有講有笑，究竟係邊個好心人呢？ 又知我無食早餐嘅？ 我拆開包裝， 慢慢咁食，我未食過咁好食嘅三文治...唔通係佢？

「豬...老師....頭先同蔡miss整d 嘢..sor 鬼ry」講野嘅係Louis， 喘晒氣咁行入班房。「 呀...新同學呀， 你左兩日學就遲到...就搵藉口係唔啱㗎..我一眼就睇穿你啦。 我就俾多一次機會你。 下次唔好喇知唔知？ 古人無時鐘都可以準時見面， 我相信你都得嘅...古語有云....」 豬油膏又慢半拍咁講。我望下櫃檯剩低嘅三文治， 咁應該唔係佢啦。
Louis 無再講過嘢， 好攰咁番左位，趴左係度。 而我， 都唔想嘈佢，靜靜咁自己上堂luu。