新手作家的共鳴: 珍惜

    話說，小弟最近再次翻睇翻依篇文章既留言，再次發現到原來自己一早已經回覆左某位熱心讀者既留言。佢既留言真係好簡單，但係又令我覺得自己好似hi左野咁開心：一針見血。

    話說，我真係為兩位咁睇得起小弟既熱心讀者寫左沒人大約一百字既回覆，但係我係完全唔記得原來自己已經回覆左。既然都講左，順便附記響度，當系前言，亦當系我對兩位既最深致意：

    致榮凱大大：
        多謝你既支持！其實我自己作為一個新手作家，都同大家都不約而同既心情：被無視，被否定等等。相信其實每一個人都唔想被忽視，但係又因為自己既渺小而不敢出聲。我可能只系響芸芸眾生入面替大家發聲既一位。當然唔能夠否認你既文章真係寫得好好，相信你都係有實力既人，希望依篇文章能夠為你起到激將法既作用！

    致紫璃大大：
        多謝你對依個系列既讚賞！作為一個批評家能夠得到支持系我冇諗過既事情，但係能夠得到依個意外既讚賞幾令我開心。btw其實你既作文手法幾正，我好enjoy，你既文章真係好高質，響對比方面都做得好成熟，能夠響短篇幅入面快速進行鮮明既對比（雖然宜家真係好似變老師），言歸正傳都希望你今次既閱讀能夠為你既講故帶來正面影響！





========================================唔平衡既分割線=========================================

    到底大家仲記唔記得自己既第一次成功？

    仲記得之前響第二個叫做冒險者天堂既網站入面發佈左《奶爸》系列，雖然唔能夠話系大成功，但係作為自己落筆第一次作長篇小說而言，能夠取得2000閱讀次數既成績，實在系幾振奮我既。

    有時候，成功系幾咁珍貴。

    回想一下自己第一次響頒獎台之上攞到殊榮，自己好似同一堆猛獸搏鬥完之後披住血得到既殊榮，感覺好似贏左全世界。





    當然如果響你求學時期既時候，依啲獎當然唾手可得，但係響一個比起學校依個小社會更社會，甚至比起社會更社會既依個世界，好好品味一下，最好就梗系好好咁記住，因為，你好快冇辦法嘗試到好似咁既滋味。

    一如往常咁舉個栗子：大家如果同我既年齡（非肉體年齡）差唔多既話，應該聽過超級魂斗羅依個紅白機年代遊戲。當你成功咁過關一次既時候，果種優越感完全系突破天際——遊戲之難度，彈幕之鬼畜，控制之遲鈍，如果當時你成功用四條命黎過關，相信我，你會完完全全咁hi足成個月。

    但係當你響過完關之後嘗試一下用四條血過初代魂斗羅，本來果種感覺完全消失無蹤。

    系完全唔知點解架，可能系我地本身對於‘獎勵’既依種要求提高左，又可能只系我地已經對於依種激情感到麻痺。

    尤其系，響依個世界，能夠取得依種激情根本系世襲制度之下既人先能夠享受到，應該話，無視到。





    依然引用翻上集幾名言：世界系唔公平既。

    的確，因為知音人系非常難先可以揾到一個翻黎。同時，唔好比其他成功例子呃到，我成日同大家講，唔系每一個都有潛力成為一個成功例子。如果大家都有潛力成功，個問題就好似：如果世界系平既，點解個個都要往上爬？

    其實如果你明知道世界就係咁唔公平，點解唔好好地安分守己？

    我成日聽到啲人咁樣問我。

    其實，如果能夠安分守己，我諗，我地應該唔會咁身不由己。

    唔系我地不思上進，亦唔系我地過分追求名利，而系規則強逼我地送死。

    規則已經列明，如果你唔前進，就會死。同樣系兩難問題：廿二世紀殺人網絡裡面既紅藥丸同藍藥丸。其實都知道架，食邊粒都會死，只系死法唔同。當其他人以為我地不思進取而選擇藍藥丸既時候，佢地根本唔會意識到自己不停將代表前進既紅藥丸放得遠，再遠，更遠，比一啲一早成功左既人食，而響佢地毒發之前幫佢地打預防針，就係咁簡單既道理。

    低買高賣，邊個唔會明白？但係邊個能夠完全無視外來影響，做到如此簡單既道理？有邊個能夠擺脫‘高處未算高，低處未算低’既社會謬論，能夠無視人類必須作為一個群居動物而生活既無恥法則，實行一個會比大眾視為異類既法則？





    邊個唔知道神系全能？但係我地宜家就係好似一個神，比無神論者質疑：

    如果神想阻止惡而失敗，點解自稱全能？
    如果神有能力阻止惡而不阻止，咁點解自稱為善？
    如果神不想阻止也不能阻止惡，咁點解自稱全能同埋善？
    如果神有能力且想阻止惡，咁點解世間仲有惡？

    邊個唔知道神系全能？邊個唔知道世間上有惡？但係你能夠回答到上述問題嗎？

    依啲社會留比我地既問題，唯有等待有一日，等自己解決