到底,何為成長?

    字面上,系指長大成人,走向成熟,擺脫稚嫩既過程,都可以理解為一個向住某方位行進既稱呼,而果個方位,就係指個體響社會圈子入面特定強權者既特定年齡。

    成長有別於生長,生長系會過熟,但係成長只要到達一個成熟既境界之後就會停止生長。

    話說,你地自己響寫作路上既成長到達一個咩程度?或許,應該改一下講法:你地創作路上既成長到達咩程度?

    實不相瞞,我自己作緊依篇文章既時候系開緊直播,唔系話咩,只系無聊。





    但係,創作路上既成長,就係當你已經唔在乎人地點諗,自己開心創作,就係最高境界。

    姐系話,應該冇人無聊到會開台打文掛?就算有,都唔會無聊到會睇comment掛?(雖然我相信系有既,但係應該系少數。)

    真正喜歡創作既,如果受到社會既妨礙,咁樣都會衝破障礙,反而退縮既,只系一個未成長既創作者。

    無視別人眼光,系難做到既,但係你唔嘗試既,你唔會成長。

    最明顯就係你自己對於觀看次數既睇法。





    可以話,如果你系做創作既,觀看次數系最左右一切既。如果系作文既,觀看次數不但代表你既知名度,更能夠帶黎一啲回應,至少唔會令你踏上直播打文揾人傾既尷尬情景(事實)

    而如果你同我一樣系(新手)youtuber既話,觀看次數不但能夠帶黎訂閱者,更能夠帶來錢財收入(至於錢財收入方面會響下面以例子出現,方便解釋)

    但係,我想問,觀看次數係咪代表一切?

    好似有一啲youtuber系追求訂閱者的話,請問訂閱者是否代表你實況人生既勝敗?

    有一啲人,訂閱數可以話系超高,但係觀看次數其實真係少得可憐。





    有一啲人,訂閱數其實唔可以話系高,但係觀看次數突破天際。

    到底,創作者指標係咪粉絲或者觀看次數既多寡?

    我覺得,創作者既成長同埋觀看次數系互相掛鉤。唔系話佢自己幾勁幾多觀看次數,如果你只系為左觀看次數迎合大眾而做,你只系最初級既創作者,反而如果你已經能夠無視自己既觀看次數或者人地對你既攻擊,你已經成功了。

    打個比方,其實本人已經系懶得去睇自己既觀看次數,第一覺得麻煩,第二系自己覺得自己開台自己打文系自己既事,冇人強逼你佢睇,我都懶得佢理會你既批評,係咪先?

    舉個栗子,如果你自己響自己屋企自己間房都唔可以令你自由奔放,果間只系你既監獄,而唔系你自己既私人房間。而你自己開台你自己既blog出演好似你自己既私人房間,如果你每一日都要思前想後睇下會唔會踩到社會本來唔系道德規限既地雷既話,我相信你唔會開心,因為你自己自由既地方變左一個監獄,每一日好似監獄風雲咁,戰戰兢兢過每一日。

    成長唔系話要好威威,而系要尋找到屬於自己既風格,揾到自己應該走既路。

    成長唔系話要高訂閱,而系要能夠到唔理會世界指責,唔逾越道德去自由玩。

    成長唔系話要被妨礙,而系要成長到能夠突破到障礙,證明到自己走得正確。
已有 0 人追稿