風格,基本上可以話系適用於任何既地方。足球上有‘巴塞式組織’,overwatch有backcap戰術,都係各種既風格。到底依啲風格點樣得翻黎?如何能夠找到自己既風格?

    說到底,大家都曾經經歷過依啲尷尬既情景,就係覺得網上人地啲文章真係寫得好好,自己就算點修改都好,始終都係差一啲先到達成仙級數咁,一句話講曬:隔離飯香。

    明白明白!系架!人地一定好過你!因為佢自己唔會羨慕其他人,反而會用心尋找自己既風格!

    我自己都係架,我覺得孤泣既文筆真係好好,甚至曾經有一段時間系模仿佢既寫法,寫語錄架!所有人都模糊過,所有人都煩惱過,到底點樣能夠令自己到達至少唔會失禮人既級數?到底點樣先系一篇好文章?

    咁掉翻轉頭問,到底咩叫‘唔失禮人’?咩叫‘好文章’?





    好主觀架!

    好似我自己書架上面有一本奧賽羅,有一啲人覺得系曠世神作,但係都有人覺得系食古不化既無聊文章架!

    到底系好定壞?

    依啲咁主觀既野真係好難講。有時候有一啲歷史劇,當一啲臣子比人污衊,準備被降罪既時候都會好瀟灑咁拋下一句:‘我自己到底點樣,交由後世既人黎加以定奪啦’

    唔好柒啦!咁主觀既野,相信你唔會響泉下都收到一大堆支持信夾雜住投訴信掛?





    正如台北市市長柯P,你覺得系好定壞?

    既然咁主觀既問題都冇辦法被解決,連開頭,何為唔失禮人同埋何為好文章你都搞唔掂,到底你自己認為用黎定奪一篇文章或者一個作家到底系成功定系失敗既指標到底系咩?

    再次提出,其實唔系真係靠何為好文章何為點點點黎做指標。

    例如,YouTube能夠利用觀看次數獲利,簡單而言,只要有人點入去你影片,就能夠計算為一次(當然冇睇到廣告或者不足30秒不計算),收益就係觀看次數除以1000美元。

    請問,如果我有一條收益有至少10000美金,但係超多dislike既影片,到底係咪一條好影片?因為我自己好多觀看次數!一千萬wor!





    咪系lor。

    重點系,你要慢慢變得成熟。

    所為成熟,唔系話要幾多既訂閱數或者點,只系要揾到自己既風格。

    重要:唔系每一個人都係擁有一樣既風格。

   例如我自己咁(自戀到每一篇文章都要攞自己黎做例子),我自己打文既風格好明顯,就係串同埋超級中意分段。

    始終要知道反正blog系我既,你吹?吹你唔起?

    而且,風格唔系話有就有,系好似寶藏一樣,如果你唔揾,你成世人都冇可能揾到,反而如果你唔怕辛苦既系可以好快攞到。有時候甚至會有更多意外收入。

    有時候,好多既靈感同埋風格都係響意外之中尋找到,你需要做既就係不停咁寫,寫完就dump,唔合心意就dump。





    雖然中途,你會睇落成個 癡線 一樣。

    但係,你要明白,作家,本來就係癡癡地既工作。

    只要理解到一樣野,你就會好快揾到自己既風格——

    所謂成熟,系指你已經能夠突破到自己既心魔,社會既障礙,同埋揾到屬於自己既風格。
已有 0 人追稿