那些年，我被女朋友狠狠地戴了頂綠帽: 第一章 Ch.1
我叫阿輝，讀緊中三，興趣唔太多
我考試冇100分，唔靚仔，身高冇180 cm ，冇車冇樓
自從中一之後到依家都係單身，
我既初戀係發生係中一。
個次，都係我第一次感受到戴綠帽既滋味。
我同佢既第一次見面，就係分班試。
我重記得，個時小息啱啱開始。
我溫書溫到一點，加上做數學卷花費太多精神，
我決定訓陣。
正當我就黎搵周公傾計既時候，一陣談笑聲吸引左我。
我望左過去，係一個爽朗活潑既女仔。
佢著住一件Tee，一條牛仔褲，一把長頭髮。
佢真係好Pure, 好True。
我望住佢 望到呆咗。
突然佢擰轉頭，佢既視線對上我。
我同佢對望兩秒，點點頭、笑一笑，
就擰返轉頭訓覺。
可能個天都係到玩緊我，我已經訓唔返。
只好靜靜咁睇住佢同佢朋友傾計。
當時既我，發夢都冇諗過佢會做左我女朋友..