那些年，我被女朋友狠狠地戴了頂綠帽: 第二章 Ch.2
話都冇咁快，已經到左九月一日開學日，
呢日係學生既惡夢，因為暑期作業同啲讀書報告都未做哂，
仲要開夜車趕功課。
話雖如此，但升上中學接觸新既老師同學都係一件好新奇既事。
為咗可以早啲見到新既同學，
我早咗成廿分鐘返到學校，點知竟然所有班房都未開門著燈。
咁我入去之後第一時間就開左盞燈先，之後是但搵個位坐低，
坐咗一陣之後有個女同學企係出面伸咗個頭入黎裝裝下咁，原來就係分班試個女仔。
佢見到我係班房，就坐左係我隔離。
「早晨啊，我叫啊言，今年多多指教。」佢好熱情咁同我打招呼。
「早晨，我係阿輝，多多指教。」我抬起頭，笑笑口咁望向佢。
「個日點解你會望住我既？」佢問我。
「冇啊，個日我打算訓陣既，點知俾你把聲吸引住。」我解釋。
「都唔知係咪！」
「呃你做咩！」
「好啦，信住你先。嘻嘻！」
唔經唔覺 就已經到左集隊既時間，我同佢既對話就暫告一段落