那些年，我被女朋友狠狠地戴了頂綠帽: 第四章 Ch.4

「傻仔，我都係講吓笑咋！」佢掩住個嘴喺度忍笑。
「車，下次唔信你！」

我地傾計傾到不知時日，話咁快就到左小息。
我決定搵啊天落小食部依早餐。

講起啊天呢，係我喺升中適應班 識既第一個朋友。
佢份人Nice，我同佢性格上又幾夾，有時都會同佢打機。

「喂死仔，同前面女仔咁好傾，你就正啦」


佢搭住我既膊頭，一齊行落去小食部。
「咩啊，普通朋友姐！」我澄清。
「但係我見你玩得好開心喎。」
「你諗多左啦，食野啦。」

食完野，班主班就叫我地選個班會主席。
啊言就問我：「你諗唔諗住做班會幹事啊？」
「我都想試下做。」
「咁你打算做咩職位？」
「班會主席，一係就唔做，我一做就做到最好！


    咁你呢？」我反問佢。
「我反而想做文書。」佢回應。
「咁我一陣投票俾你先，你都要投返俾我喎！」
「好！」