那些年，我被女朋友狠狠地戴了頂綠帽: 第三章 Ch.3

我地個早會好快就完左。

上到班房之後，我地就等班主班調位。
咁啱啊言就坐係我前面。
「依，你坐我後面喎！」佢好興奮咁同我講。
「係啊，咁啱既！」我回應。
「咁我上堂就唔會悶啦，嘻嘻！」
「有我呢個又靚仔又風趣又幽默既人，點會悶喎。」我舉起手 做出一個V字。
「算數啦你！」佢笑笑口咁講。
然後佢擰返轉頭，佢既一把長頭髮又吸引住我。


係個刻，我個人就好似石化左咁，郁唔到。

「哇好靚啊！」我衝口而出咁講左句。
「下，咩好靚？」佢疑惑。
「你把長頭髮啊！很想要！」


「喂喂我得把頭髮靚咋？我本人呢」佢拍一拍我。
「樣衰！嘻嘻！」
「去死啦你！」佢大大力咁搣我面。


我見佢好似真係嬲咁樣，就話：「Sorry啊，唔好嬲啦，講吓笑咋嘛。」
跟住捉住佢隻手。

佢重係唔理我，正當我諗住整個楚楚可憐既樣個時，
我發現佢成個人係到震，先發現佢都係玩緊我！