那些年，我被女朋友狠狠地戴了頂綠帽: 第七章 Ch.7

如是者，我每晚都會搵佢傾電話。
無論幾忙、幾攰都好，依個習慣都風雨不改。
同佢傾計係我人生既動力。
而我同佢既關係都維持住朋友。

直到有一晚，我打唔到比佢。

「嘟、嘟、嘟」、「嘟、嘟、嘟」
「嘟、嘟、嘟」、「嘟、嘟、嘟」
「對不起，你所撥打的電話暫時無法接通。」



個一刻，我好唔安落。
心裏面諗緊：「係唔係我講錯啲咩？」、「定係佢手機冇電？」
之類既野，係我個腦裏面諗過不下諗百次。

當我冷靜落黎，我係到諗：「點解我會咁着緊佢？唔通我鐘意左佢？」

個晚，我輾轉反側、徹夜難眠。





第二日返到學校，就見到啊巧已經坐左係課室。
我唔知點面對佢，唯有靜靜咁轉身，行落小食部。
打算落去買包野飲，等自己冷靜下。

行下行下，我俾人一手捉住。
「做咩頭耷耷眼濕濕咁？」
我定一定神，發現啊天用擔心既神情望住我。
「我...我冇事。」
「一埸兄弟，有咩唔怕講。」佢拍一拍我膊頭。


「我...好啦」

落到小食部，我首先開口：「我鐘意左啊言。」
佢好冷靜咁同我講：「下，就係咁昨？咁做咩失曬魂？
啱啱叫你 你都聽唔到喎。」
「我認為我配唔起佢。」

隨住我同佢既距離愈黎愈近，我就愈黎愈介懷自己。
我冇錢、冇樣、冇成績，姐係三無。

「俾啲自信自己啦好冇？男人老狗怕咩姐？溝左佢先講啦。」
「下，咁點溝？」我疑問。
「你拎左佢電話未？」啊天問。
「拎左啦。」
「咁你直接約佢出街啦！」



突然間鍾聲響起，啊天走之前同我講左句：「加油啦你。」