那些年，我被女朋友狠狠地戴了頂綠帽: 第八章 Ch.8

「細佬，你返黎啦？」
我一踏入屋企門口，母親就走過黎迎接我。

「嗯，係啊。我入房做埋啲功課先啦。」我回應。
「咁你加油啦喎，八點食飯啊！」

我轉身行入房，放低書包，再坐係張床上面，長嘆左一口氣。

事實上，我同母親講左個大話：根本就冇功課做。



回想起啊天講既野，佢鬧得我好啱，我只係差自信。
我戴上耳機，打算用音樂遮蓋一切煩惱。

忽然間 我手機既鈴聲大響：
「無謂談自己 只有自卑 屬於我 做不起討好角色 期望誰發現愛惜我」
我嚇左一大跳，成個人跌左落地下。

「哇屌濕撚哂，唉好撚痛。」我講左一大堆粗口，試圖紓緩痛楚。
係！冇錯，係紓緩唔到既。



我定一定神，拎起電話一睇，原來係啊言打俾我。

「喂，你搵過我？」我打返俾啊言。

「係啊，做咩唔搵我傾計！」

「下，幾時？」我愕然。

「上堂之前啊，你明明見到我嫁喎，但係你拎轉頭走左！」



言語之間，我聽得出佢有小小失落。

係我作出反應之前，佢講左句：
「算啦，不過你聽日個星期六要陪我睇戲！冇得Say No！」

我個心猛烈咁震左一震，再覆佢：「好啦好啦！」

「真既？好！咁約實你啦喎！」佢好興趣咁咁講，就連隔左部電話既我都感受得到。
再同佢閒話家常多陣，發現時候已經唔早，於是我收線，開始準備聽日見佢。