那些年，我被女朋友狠狠地戴了頂綠帽: 第十章 Ch.10

係沖涼個十幾分鐘，我既心情就好似玩左一輪過山車咁。
我都思考左好多野。

我係衣櫃入面左搵右搵，拎左幾件衫同褲出黎親。
最後我選擇左平時著既格仔恤衫同牛仔褲，外加一件保暖既外套
我企係塊鏡面前，望到自己，笑左笑。
入面既倒影反射我既動作，就好似同我打緊氣咁。

我約左佢兩點係戲院門口等，見到佢著住波點衛衣、牛仔褲，
佢見到我，將隻手提高，向我揮手。



我行到佢面前，同佢講：「你今日著得好靚喎！」

平時既我，係冇可以對住一個女仔，講啲咁既野。
依家我既心跳，就好似啱啱做完運動咁。

「你都幾靚仔啊！」佢笑住咁講。

於是，我同佢排隊買飛，套戲就係當時大熱既「那些年，我們一起追的女孩」
排左大約五分鐘到，我地企係櫃檯面前。


同個職員講，要兩張那些年既學生飛。
我連佢張飛既錢都俾埋。
佢見到我有咁既舉動，就打算拎個銀包俾返錢我，但係俾我拒絕左。

當我買完飛既時候，一轉個頭就見到有兩桶炮谷。
「你請左我睇戲，咁我請你食炮谷！嘻嘻。」
「多謝曬喎！」我回應。

我拉住佢，行上House 1。