那些年，我被女朋友狠狠地戴了頂綠帽: 第十一章 Ch.11
佢拎住兩桶炮谷，而我就拎住手機，靠住電筒發出既光去搵座位。
「H行...係邊呢？」
佢傻笑：「咪係你旁邊囉，傻仔！」
媽啊，今次重柒過海底奇兵。
唉濕撚晒，唉唔撚驚。
我心裡面苦笑一聲，就同佢坐左入去。
係佢專心睇緊戲既時候，我就偷望佢。
果一秒，我好想拖住佢隻手，錫佢。
睇完戲之後，我地去左冒險樂園玩。
我地玩既第一樣野係籃球機。
我呢啲毒撚，再加上一個女仔又點會識打籃球呢。
結果我同佢只能打到第三關。
玩完之後，大家都汗流浹背，你眼望我眼。
佢開口講左句：「阿輝你準繩度好差喎！嘻嘻」
「你咪一樣MISS左好多球！」我反駁。
講完呢句，我同佢就係到大笑。
佢帶左我去一部彈珠機，叫我選一個數字。
我按左五，佢將彈簧拉後。
大家既視線都集中係彈珠上。
可能連個天都鍾意我，結果彈珠真係去左五到。
佢Ya左一聲，舉起兩隻手，示意要同我Give me five。
我笑一笑，向佢隻手拍擊。