那些年，我被女朋友狠狠地戴了頂綠帽: 第十九章 Ch.19

轉個頭，好快就到左聖誕節。
本來諗住同啊言出去玩既，但係佢要跟屋企人去旅行。
於是聖誕節就得我一個人過。 於是我每日既工作就係打機→食飯→訓覺。

日復夜復日，
直到有一日啊言打俾我，叫我落樓下拎小小野。
於是我換左衫，落到樓下。
佢見到我就好開心咁向我揮手。
然後拎出一個紙袋，交左俾我。
我打開左佢，入面有一隻鬆弛熊，同堆一封信。


佢同我講：我手上呢隻叫懶懶熊，佢都有一隻奶油熊。
啊言話，見到懶懶熊，就好似見到佢咁。 
我聽完佢咁講，就小心翼翼咁放返懶懶熊落個袋到。

當我打算開封信既時候，佢叫我返到屋企先睇。
如果唔係佢會怕羞喎！咁好啦，我唯有返屋企先開。
封信都幾長下，正背各一頁。
內容大約係：我同佢經歷過既野，佢覺得我好好，識到我好開心。
睇到呢到，我會心微笑。
識到你，我都好開心。


我係分班試見到你，發夢都冇諗過你會做左我女朋友。
睇完封信之後，拎起電話打俾啊言。
同佢講曬我所有既感覺，呢一通電話，我都足足傾左兩個鐘。