那些年，我被女朋友狠狠地戴了頂綠帽: 第十八章 Ch.18

話咁快就到左星期一，為左每朝早都見到啊言，我早左返學校。
基本上我係第一個入課室，啊言總會係七點十返到學校。

點知佢今日打鐘之前先返到，
我見佢面色蒼白咁，就問下佢咩事啦，佢就只係一味答我冇事冇事。
佢重流曬冷汗，我真係好擔心佢。
呢個時候老師入左黎，我迫於無奈咁返埋位。

返左埋位之後，我偷偷地咁留意住佢，見到佢用隻手禁住肚個個位。
大約都知道發生咩事，但係我又幫唔到啲咩，只好靜靜地咁俾佢休息。



到左放飯既時候，見到佢重係好唔舒服咁，
就叫左留係課室等我。
然後拎起銀包，九秒九咁狗衝落便利店。
入到去，第一時間就係搵放藥既貸架，
搵左盒必理痛經痛配方，好有霸氣咁拎左去俾錢，
突然全場靜晒，收銀減速收錢。
個收銀見到我盒必理痛，呆左兩秒。
問左我一句：「係咪買俾啊媽嫁？」
我下意識咁答：「下唔係啊，買俾女朋友嫁。」


佢再呆左兩秒，然後笑意盈盈咁望住我。

唉啊，我話係買俾啊媽咪得囉。

佢再問我：「洗唔洗買多支水送藥啊？
好提議，於是我又買多支水。

返到課室，啊言見到我手上個兩樣野，佢好愕然，然後嘻嘻咁笑我。
我扮左個嬲既樣，叫佢快啲食藥。



事後佢同我講，佢真係估唔到：一個大男仔會買藥俾佢，重要係經痛配方。
我只係答左句：「只要你開心，就咩都得！」

係啊...你開心就咩都得。