那些年，我被女朋友狠狠地戴了頂綠帽: 第二十一章 Ch.21
一朝早起身，洗一洗面，就決定落街食早餐。
平時既我，換衫只係需要幾分鐘，但係今日我用左十五分鐘。
我拍拍面塊，叫自己提起精神。
為左分散自己注意力，我出去左行街。
點知行到邊都諗起啊言既野。
就係咁，我漫無目的咁行左三個鐘，
直到身體發出信號，示意我需要休息，
於是我求奇搵張椅坐左係到。
我注視住商場既門口，突然有一個熟悉既身影。
係...係啊言。
佢身邊有一個男仔，我見到佢地有傾有笑。
呢個時候，我全身既血液就好似俾人抽乾曬，成為一尊石像。
我企左係到，冇追上去，等佢地慢慢咁離去。
當我回過神既時候，我個心臟傳黎劇痛。
就好似畫左我一刀咁，初頭只係有條傷痕，不痛不癢，
但係慢慢咁，你會睇住啲血飛曬出黎，
最後你會失血過多而死。
我坐左係地下，用力禁住心臟，試圖等痛楚消失。
好痛...好痛...不如一槍打死我。
依？睇黎依家落雨喎，如果唔係我點會成塊面都係水？
哈哈，真係落雨啦。