那些年，我被女朋友狠狠地戴了頂綠帽: 第二十二章 Ch.22

我迷迷糊糊咁行返屋企。
打開房門，第一眼就係啊言送俾我既鬆弛熊。
我成個人重重咁坐落地下，淚水已經不知不覺咁流滿塊面。
心裏有種苦澀感，個腦一片空白。

我記起我第一次同你出街，玩到好開心。
我記起我係張床上面睇電視，我攬住你，你話會同我一生一世
我記起你痛經，我衝落便利店幫你買藥，你重笑我傻仔。
我記起你送過聖誕禮物、親手整野食俾我。
個隻鬆弛熊，我重放左係床頭。



我記得咁多野，咁你呢？

我成個人企起身，然後一野掃曬啲野落地，再講：
我喊到收唔到聲，成個人係到震。

最後，我喊到自己訓著左。

醒返既時候，發現成間房真係好亂。


為左令自己冷靜落黎，唔再亂抌野，我行左廁所洗個面。
我見到鏡入面既自己，
雙眼通紅、眼白充滿血絲，再加上黑眼圈。
睇落就好似殭屍咁，
我冷笑左一下，為左一個女仔，值得咩？

我拎起部手機，發送個信息俾佢：「你聽日得唔得閒？得既我地係麥當勞等。」

痛痛快快咁了斷。