我約左佢十點係麥當勞等,
十點呢個時間,可以俾我地靜靜地咁傾。

我早左半個鐘黎到,下意識買左早餐。
平時,我會認為食早餐係一件樂事。
但係今日,我只係將啲食品放入口中,
然後一啖飲曬杯可樂。
我終於明白,食之無味 棄之可惜係點解。

我望住個商場既門口,有個熟悉既身影行緊過黎。


係啊言,佢笑笑口咁同我揮手。
我只係苦笑一下,首先開口:「你去買野食先啦。」

當佢拎住個餐坐低,我開口:「你食住野,靜靜地咁聽我講。」
「我已經知道你有第二個。」
我冷淡咁講:「尋日我見到你同第二個男仔一齊行街。」
佢呆左,但係我冇理會佢。
我再開口:「既然你係唔鐘意我既,咁我地唔好係埋一齊啦」

我企起身,笑左笑,講左最後一句:「我地分手啦。」



係我腦海裏,曾經出現過一 百句鬧佢既講話,
我預期我會鬧到佢狗血淋頭,但係我冇。
只因為我愛過佢。

講完呢句話,我就反方向轉身,係呢個時候,佢從後抱住我。
佢抱住我對手,係幾咁用力。佢知道一放手,就要失去所擁有既一切。
然後喊住咁講:「對唔住啊,我知錯啊!唔好分手啦!」
我將佢抱住我既手用力鬆開,向身後既佢簡單咁講左句:
「從今日起,我地回復普通同學既關係啦。」



然後我轉頭離開。
我一轉身,雙眼就浮起一層霧水,我努力忍往,唔俾淚水滴落黎。
心臟再次劇痛,但係今次我冇制止。

返到學校,我向大家公佈左分手既消息。
過左一個星期到,啊言就同左個男仔一齊。

我現家生活得好好,
啊言,多謝你俾啲咁既試驗我,你令我成長。