[愛情浪漫］［懸疑] 求婚。求分: 第八回 - 行動

今天如宏所說，天公讓兩停止了，是製造機會給我們嗎？
 
人家說雨後會放晴，我跟宏的感情也能放晴嗎？
 
這天我們玩得很開心，與宏相處彷彿進到另一個階段，也許這場連雨停了正是給我們的一個啟示。
 
午飯過後，我們到了山路上散步。
 
「哇，行到有d攰，不如停低抖下，睇下風景。」宏說。
 


「好丫，我都行到攰攰地。」
 
我們靠邊停下，停下的位置能夠飽覽整個中環，景色怡人。
 
「今日天氣真係好，好彩有出黎，如果唔係浪費左咁好既陽光同埋風景。」宏邊伸著懶腰邊對我說。
 
「係啊，都係你啱，『大交合』真係信唔過！」我笑道。
 
「所以話，路係要人行出黎，唔係預測出黎既。」宏的語氣堅定。
 


「不過我始終相信命運，就好似今日其實注定係唔落雨，只係天文台計錯數，而你又好彩撞中今日係好天，根本唔係因為你叫個天唔落雨就唔落雨。所以我對你講既所謂條路係自己行出黎有d保留。」我回應宏對命運的看法。
 
「睇你點睇。但最少你有得選擇。」他反駁。
 
我繼續說：「就好似我同你咁，唔係你漏低左本日記係『Star迫』，我又點會睇到？唔係咁啱你同我既遭遇咁似，我又點會送返本日記比你而撞返你？
所以話一切都係整定，條路唔到你話點行就點行。」
 
「話雖如此，雖然路係定左，但總有遇到分叉口既時候，唔通你話一切都係整定就乜都唔洗做？唔通唔洗考慮自己想要乜，就亂咁行左定行右咩。又或者咁講，你選擇行左邊呢條路，行行下發現唔對路喎，你會行返轉頭揀返右邊果條路行掛？唔通你話命中註定我係行左邊，就無論發生咩事都死要行左咩。」宏說。他對命運是否注定的看法似乎頗有自己的一套。
 
但我的想法依然跟宏相反。與子文緣盡是注定，與宏重遇是整定，也許到最後我是孤獨終老也未定。


 
於是我接著說：「我明你意思，但係...但係好似我地咁，如果當日你離開Star迫果一刻，擰一擰轉身，望一望返轉頭，你就唔會漏低本日記，而我地亦唔會重遇。呢d位你覺得有得揀咩？」
 
宏聽後思疑了兩秒，然後說：「EM..........」
 
「嘿，無得駁喇掛今次~」我得戚地說。
 
「係...你贏喇今次。」宏無奈地認輸，想不到這次他那麼快便投降，平時他定必句句力爭的呢。
 
「不過其實今日我係有d野想同你講。」宏突然緊張起來。
 
「係？！」
 
「你覺唔覺得我地好有緣？聽完你頭先咁講，我覺得自己好好彩，如果當日我擰一擰轉身，望一望張枱，今日就唔能夠欣賞咁靚既風景......我指同你一齊。」
 


「你想...講咩啊...」我有點臉紅。
 
此時宏突然捉住我雙手，這舉動使我在本能反應下企圖縮開。但宏用更大的力捉緊我，同時以深情款款的眼神望著我。
 
我心跳加速得比法拉里還快......
 
「你聽我講，我唔想浪費呢個機會，因為...因為真係得來不易。」宏認真地說。
 
「但係...我地唔係識左好耐咋喎...我指同你重遇之後。」面對這種唐突，我唯有說這些沒意思的話。
 
「重要咩？重要既係你要認定呢條路係咪你想行既路，雖然我地行左唔係好耐，但啱唔啱行係要試出黎既。起碼，而家我地係行得舒服。比我係你身邊陪你一齊繼續行，好嗎？」
 
我的心被溶化了，接下來已找不到任何言語來抗辯，可以做的只有...甜蜜地點頭，默默地回應我對他的意思。
 
宏見狀十分高興，突然挨在我的肩膊上。


 
「你知唔知啊，其實我一直好想可以「挨」係你度。你知道點解嘛？」他以淘醉的聲線問我。
 
「因為...你覺得咁樣好溫馨？」我說。當然我知道答案一定不是這樣。
 
「咁係因為...我愛你(國語)。」
 
就這樣，這天跟雪瑩開始了。
 
很快，又過了三年。
 
決定了，今晚要向她求婚，希望這次能劃上完美的句號。
 
想不到，那日跟宏走在一起。
 


一走，便走了三年。
 
猜得到，這晚他會向我求婚....希望這次不要再變成求分。
 
(第八回完)