答案係無事發生。
 
果陣我以為Lucy被人第個男人搞大肚但無人認賬於是先搵阿輝埋單,後尾我發覺我估錯了。
 
一黎Lucy無大肚,二黎原來佢係Lesbian。
 
從我睇到佢過去所有性事中,佢凈係同女人磨豆腐,由此至終都無同阿輝上過床,果次係阿輝飲大左第日見到Lucy訓響隔離就以為同人地搞左,其實跟本咩事都發生到。
 
咁點解Lucy要扮大肚呃阿輝。
 




理由係佢想借個肚呃阿輝同佢結婚,藉此黎激佢前女友(TB一名)。
 
當然最後被我識穿左,Lucy見瞞唔落去就乾脆坦白交代所有野兼同阿輝分手。
 
回想起當日分手片段都幾好笑。
 
果日我地三個約左響m記講數,Lucy講左一輪交代清楚後冷冷地拋下一句:「我地分手啦。」
 
聽完呢句阿輝立即淚流不止,當住其他食客喊到哭喪咁,我見到佢咁梗係第一時間扯阿輝走啦,唔通仲留響度獻世咩。
 




殊不知當我準備拉阿輝走之際,Lucy突然扯住我叫我唔好走。
 
我承認當刻我有一秒諗過Lucy見到我之後被我拗返直而且仲深深地愛上我。
 
現實世界邊度有咁峰迴路轉既劇情架?!
 
Lucy只係想問我係咪有睇到人地做愛次數以及做愛過程既能力。
 
我答係,跟住佢就大大力抓實我,一臉認真地對我講佢其實都有同我相似既能力。
 




佢能夠睇到曬男人一生中所有既性愛經歷。
 
之後佢拉住我響m記傾左兩粒鐘,阿輝就響隔離喊足全程,亦都係由果日起,Lucy同我同阿輝成為左好朋友。
已有 0 人追稿