【少少甜】扑野扑得你心碎: 十一

該名全裸女屍名叫黃麗麗，二十九歲，已婚，美x集團員工。
 
根據法醫報告，佢係被人勒死既，並且發現佢身上帶有HIV病毒，亦即係愛滋病病毒。
 
佢老公叫黎明光，即係我地個client黎生。
 
雖然黃麗麗死左但我地既調查仍然繼續，黎生將抽金加到一百萬要求我地除左繼續調查佢老婆既外遇對象之外，仲要查出殺害佢老婆既兇手。
 
一百萬，Lucy聽到呢數諗到無諗就應承左，我想阻止都阻止唔黎。





但問題係查案呢d事不嬲都係警察做開，我地兩個初出茅廬既小偵探對呢d野一竅不通。

於是乎我地查左成個禮拜之後，暫時得出既唯一結果係：黃麗麗既死肯定同佢手背果個奇怪紋身有關。
 
紋身上有五個紫色向上箭嘴，每個箭嘴分別指住五個綠色英文字母，由左至右次序為: W、T、T、C、O。
 
一般黎講大寫字母O放係最尾多數解作Organization，所以我地猜測呢個紋身有可能係某個組織既標誌之類既東西。
 
至於其他字母代表係咩呢？我地就毫無頭緒。
 




連日黎我地調查過曬黃麗麗身邊所有親戚、同事同朋友，包括大學同中學同學甚至乎小學同學都問埋，佢地好似無留意到黃麗麗生前手背上有呢個紋身。
 
既然無線索，咁唯有用大包圍策略，將全港所有地上地下組織同教會全部羅列出黎，然後將各個組織既英文簡寫逐一校對，最後我地得出呢三個拼寫同紋身上五個英文字母WTTCO相同既組織。
 
第一個係Witch’s Twenty-Two Coats Organization，中文係巫師二十二件魔裝協會。
 
第二個叫做Wong Tai To Computer Organization，即係黃大濤電腦協會。
 
第三個係Wing Tai Tiny Cat Onsen，呢個凈睇英文可能會產生歧義，中文全稱係永泰『的骰貓』溫泉中心 。
 




老老實實，呢三個名聽落其實就無咩特別，以我估計，第一個似係遊戲公會起過d群組名稱，第二個似係俾班志同道合IT人士交流既普通協會，第三個溫泉中心有d怪，香港由溫泉架咩？

至於呢三個組織係咪同個紋身有關，呢個就要等我地親自查明一次先知。