【少少甜】扑野扑得你心碎: 十

三個鐘過後，Lucy終於從黎生既性愛史中清醒過來。
 
而黎生持續地喊足三個鐘，幾乎喊到失聲咁滯。
 
Lucy哄埋黎細細聲同我講：「佢真係無講大話，佢真係凈係同過兩個女人上床。」
 
我點點頭，然後轉向黎生說：「黎生介唔介意俾你老婆張相我地睇下？」
 
黎生用紙巾抹乾眼淚，從褲袋掏出手機打開佢老婆張相俾我地睇。
 


Lucy望左望，靠近我說：「就係佢，最近一次同過佢做愛既女人，應該係佢老婆。」
 
黎生說：「我求你地幫我查下我老婆到底係咪有外遇，同人亂搞惹到愛滋傳染俾我。」
 
「咁你最近有無發現你老婆有什麼異樣之類呢？」Lucy問。
 
「無，我查佢手機但咩都無發現，同埋我搵曬全屋企都無搵到佢d檢驗報告。」
 
「咁你有無同你老婆講你染上愛滋呢件事？」Lucy繼續問。
 


「無，我將醫院d檢驗報告全部收埋響銀行保險櫃，如果被佢發現先，我驚佢會惡人先告狀，話我出面搞三搞四惹到佢，到時我真係水洗唔清。」
 
「好，黎生，你將你老婆d資料俾我，我地會盡快幫我查明究竟。」我給予佢一個堅定的眼神。
 
「嗯，今次真係麻煩曬你地啦。」黎生神情依然哀傷。
 
“咁黎生，我地公司既收費就係咁既......”Lucy諗住說明下公司既收費原則。

“呢度五萬蚊，夠唔夠。”黎生從褲袋拎出一張支票，“其餘十萬事成之後我再過數俾你地，我諗呢筆都應該夠啦掛。”



Lucy見到五萬銀好似見到吳彥祖咁，雙眼發曬光，一時間唔識講野。

於是我接話：“夠架啦，黎生，，門口響果度，你慢行。”

送走左黎生之後我同Lucy立即執齊裝備去黎生老婆公司樓下“捕”佢。

呢單作為我地第一單生意，Lucy同我當然要嚴陣以待，不容怠慢啦。
 
但殊不知，我地第一次出馬就出師不利，遇到狀況。
 
原本頭三日我地跟蹤都跟得好地地，但連續幾日，我地個目標就幾乎無出現過，不論係屋企，公司，同佢平時去開既地方全部都無佢蹤影，好似完全消失左咁。
 
到左第六日，黎生先打俾我地，聲音淒厲響度哭訴:「我…我老婆，佢，佢死左啊……嗚嗚——」
 
死左？



開頭我以為聽錯，但黎生響電話度足足講左六次：“我老婆佢死左呀！佢死得好慘呀！”
 
Lucy一臉茫然咁望住我，而我果刻亦都唔知俾咩反應好。

跟住第二日報紙買曬出黎：全裸女屍擱淺大浪灣  手背疑似紋有邪教標誌

真係死左，而且仲死得好慘。