第二天晚上,突然我收到了Christies的whatsapp,雖然只是一句簡單的「hi」,但沒想到她居然會再一次找我。我始終仍有一點點從心而發的喜悅。

我只回覆了一個問號的符號。她說,沒有事。

我說:「有野就講啦…又唔開心?」

Christies:「無野,睇下你點,定其實我唔騷擾你好?」

說再見不要坐近 不糾纏 不慰問
說再見不要坐近 便扶助病困



誰亦害怕 背上 開口責任
誰亦避免看見傷害人
然後亂說轉淡了 可以做對良朋
還道歉 愧疚說不忍

我:「無野阿,你又知你搵我係騷擾我?」

Christies:「可能你唔想同我講野,我明嫁。」



我有點感傷地回覆:「我都唔知,明明你block左我就咩都睇唔到,但我都會打開chat room 唔知做咩…想見到輸入中定係你既信息?我覺得自己好白痴,哈哈!」

「咁你係咪想我block左你?」

「唔係。」

Christies:「如果你想同我傾計可以照搵我,我講過我地可以照做朋友。」

有點可笑,明明一個月前是我說我們可以繼續做朋友,而她不理會我,一個月後的現在又說我們可以繼續做朋友,究竟她想怎樣?



「咁點解你block我?」

「因為個晚我怕你會搵我,我feel到我男朋友會check我電話。而朝早我都unblock左。」

我只回覆了,嗯。因為我再一次不知怎樣回應她。

「對唔住。」

「可唔可以唔好再對唔住,你唔開心我出黎陪你係我願意,你想做番朋友我唔介意,全部都係我自己選擇,做咩要怪你?」

「因為係我衰一時衝動先好似比左假希望你。然後第二日又拉番你跌落黎,如果所有野我有諗清楚先做先講,就唔會令你咁傷心。」

我說:「都已經過去,誰對誰錯又點界定,無人知所以你唔洗自責。好似捕獵咁,隻動物明知眼前有陷阱都走埋去,最終比人捉左,唔通又怪獵人咁狠心設下陷阱去捉佢?」

Christies說:「。。。」



「所以你無講對唔住,sorry既必要,同埋我唔想聽。」

Christies說好。

之後我也再沒有回覆她,一來感到有點憤怒,二來不知如何再找話題和她繼續聊下去。