是命運，令廚師和香料遇上: 第二章　是幸福嗎？

「喂，九哥，今晚有場必中馬，一人夾兩舊水試試佢呢？」學廚文迪對他的師傅說。

「哼，文迪，我唔怪你，你跟左我只係區區幾日。」仇九說。

「吓？咩呀？」文迪摸不著頭腦。

「文迪仔，九哥從來唔會帶多過五十蚊係身架。佢唔睹唔飲，帶五十蚊出街呢，十蚊係車錢，四十蚊係應急錢黎既，飯就係公司食，每日都挑戰人類忍耐力極限架！」副廚大舊說。

「吓...總廚...份人工咁少架渣咩?」文迪問道。





「唔係少～我份糧係由我老婆大人配給比我既。」仇九說。

「九哥，怕老婆會發達？」文迪問。

「我尊重老婆姐！」仇九說。

「老闆，老闆，呀媽煲左湯叫我拎黎比你呀！」小遊突然殺到餐廳。

「嘩九哥，你個女呀？同你咁似樣既？」大舊說。





「下話，靚女呢。唔該晒小遊，返屋企小心D呀！」仇九心中暗笑。

「知啦老闆。」小遊回應道。

「喂九哥，點解你個女叫你老闆既？」文迪問。

「哦，佢細細個有性果時，我開左檔小生意，佢聽到人人老闆前，老闆後咁叫我，咪叫埋一份囉。到而家都中二啦，咁大個女都係改唔到口，咪由佢囉，呵呵。」仇九說了一個不全是假的謊話，輕輕帶過。

無論在旁人眼中，還是仇九心目中，這都算是幸福吧。生活是苦，但心頭是甜。