「美...美芳,不...不如我地...結婚啦。」仇九斷斷續續地說道。

「吓?你發咩傻,我地邊得黎錢結婚呀?放心喎,你對我兩母女咁好,打死我都唔願走啦。」美芳挽著仇九的手說道。

「係囉老闆,打死呀媽都唔願走啦。」小遊也挽著仇九另一隻手說道。

「喂,大個女啦,仲成日痴住晒呀你。痴我好啦,唔好痴學校D男仔呀。」仇九對小遊說。

現己中一的小遊長得就是個美人脴子,讀書成績也好,是名校內的風頭女生。





「唉,芳,咁我諗諗下,覺得都應該要比個正式既名份你啦。再...再加上,小遊都應該要有返個老豆嘛...」仇九說不出是怕美芳人太老穿婚紗不好看這個真相。

「喂喂,老闆,我有老豆架喎。」小遊突然一本正經地說道:「就算你同媽咪結左婚,你都會係我心目中好鍚好鍚我既老闆。一句咩咩,我真係叫唔出口架。」

仇九心裡突然一沈,想不到多年來,小遊也不當他是個爸。

小遊似是看穿仇九內心所想,補充一句:「老闆,我早就當你係我咩架啦,不過果個名,我真係叫唔出姐,你唔好傷心啦。」

「傻瓜,叫唔出咪唔好叫囉。對住你媽咪,我都叫唔出「傻豬豬」架。哈哈。」九哥笑笑,心裡踏實了一點。





「喂喂,你兩個理下我得唔得。今時今日我地拎咩出黎結婚呢請問?拿一陣九點六合彩中左就有得結啦。」美芳說。

「拎咩?拎身分證同幾舊水囉。我地可以唔大擺,淨註冊架姐。註冊當日租套婚姊,影幾張相,就OK啦。」仇九說:「到我地有錢,咪再補擺返場酒,再補影結婚相囉!」

「係囉媽咪,去啦。」小遊說:「老闆而家算係向你求婚架啦!答應佢啦~」

「啐,真係頂你兩個唔順,哎結就結啦,聽日一齊去註冊署進下啦。」美芳心裡暗笑道。

「好~現在有請新朗親吻新娘。」小遊說道。





「錯啦,係有請新朗新娘親吻個八掛鬼小遊丫!!」美芳仇九同聲說道。