是命運，令廚師和香料遇上: 第三章 幸福的頂端 5下

「好，經過兩位廚師出色既表現，有結果啦！」

「評審們一致裁定，冠軍係...................陳傑文！！！！」

「吓？」呀文和仇九也對賽果感到驚訝。

「咁....咁多位評審，好多謝你地鐘意我道菜式。但係就連我本人都認為，無論係菜式既配合，刀功既運用，創意既表現，都應該係仇先生既菜式比我優勝。點解.....?」呀文也不禁問道。

「好簡單！因為佢太串！」評審們異口同聲地說道。





「吓？」呀文和仇九又是一聲。

「無錯。佢道菜真係無敵！不過今時今日係香港，要贏比實，咁既態度，係唔得架！」

「唔係掛？？？？？咁都得？喂在座咁多位廚師聽住呢個解釋，唔係話咁都得呀？」仇九大聲問道。

「得～無問題呀！」後面一直在觀戰的廚師們都笑著道。

仇九竟然期望在第二回合一直襲擊他的廚師們支持他，實在是太天真了。





「九哥，唔緊要啦，都係當玩下姐呢個比賽。最多咁啦，D獎金我地一齊拎晒出黎，同美泙佢地一家人食餐好既就算啦。今日，我確實技不如你。」呀文道。

「咁...咁都係丫....」仇九道。

「唔好嘈！頒獎！頒獎啦！」

比賽，就似是鬧劇一樣，結束了。